Зорныя войны

Лагатып «Зорных войн»

Зорныя войны (англ.: Star Wars) — фантастычная сага амерыканскага рэжысёра Джорджа Лукаса. Фільм зрабіў велізарны ўплыў на міжнародную поп-культуру, ён шматразова прызнаваўся лепшым навукова-фантастычным фільмам. Першы фільм выйшаў 25 мая 1977 года пад назвай «Зорныя войны». Ён меў велізарны касавы поспех. Гэта выратавала кампанію 20th Century ад пагражаўшага ёй крызіса. Калі сумненне ў акупаемасці праекта прапалі, першы фільм атрымаў падзагаловак «Эпізод IV: Новая надзея». За ім выйшлі два працягі: «Эпізод V: Імперыя наносіць зваротны ўдар» ў 1980 годзе і «Эпізод VI: Вяртанне джэдая» ў 1983 годзе.

У 1999—2005 гадах выйшла трылогія-прыквел.

Кінаэпапея

У цыкл фільмаў «Зорныя войны» ўваходзяць шэсць эпізодаў. Спачатку былі зняты эпізоды IV—VI, праз некаторы час — I—III. У цэнтры «Зорных войн» жыццёвы шлях Энакіна Скайуокера — галоўнага героя сагі.

Арыгінальная трылогія

• 1977 год — «Зорныя войны. Эпізод IV: Новая надзея» / Star Wars: Episode IV — A New Hope. Бюджэт — 11 мільёнаў $
• 1980 год — «Зорныя войны. Эпізод V: Імперыя наносіць зваротны ўдар» / Star Wars: Episode V — The Empire Strikes Back. Бюджэт — 32 мільёна $
• 1983 год — «Зорныя войны. Эпізод VI: Вяртанне джэдая» / Star Wars: Episode VI — Return of the Jedi. Бюджэт — 32.5 мільёнаў $

Трылогія-прыквел

• 1999 год — «Зорныя войны. Эпізод I: Утоеная пагроза» / Star Wars: Episode I — The Phantom Menace. Бюджэт — 115 мільёнаў $
• 2002 год — «Зорныя войны. Эпізод II:Напад клонаў» / Star Wars: Episode II — Attack of the Clones. Бюджэт — 120 мільёнаў $
• 2005 год — «Зорныя войны. Эпізод III: Помста сітхаў» / Star Wars: Episode III — Revenge of the Sith. Бюджэт—115 мільёнаў $

Гл. таксама

• Джэдаізм

Спасылкі

• На ВікіСховішчы ёсць медыяфайлы па тэме Зорныя войны
• Афіцыйны сайт «Зорных войн» (англ.) 
• Wookieepedia — вікі-праект, прысвечаны сусвету «Зорных войн» (англ.)  (Вукіпедія)