Карэлічы (балота)
Карэ́лічы, або Талае балота, Баркі — балота нізіннага тыпу на паўночным усходзе Навагрудскага, поўначы Карэліцкага, поўдні Іўеўскага раёнаў Гродзенскай вобласці і паўночным захадзе Стаўбцоўскага раёна Мінскай вобласці, у вадазборы р. Нёман і яго прытокаў — р. Сэрвач, каналаў Жоўта-Нёманскі і Шубіна-Нёманскі. Плошча балота складае 17,5 тыс. га. У межах прамысловага пакладу 8,7 тыс. га. Глыбіня торфу да 4,5 м, сярэдняя 1,7 м. Ёсць сапрапель. Асушаная частка выкарыстоўваецца пад ворыва і сенажаць. На неасушаных землях пераважаюць балотныя алешнікі і бярэзнік, месцамі драбналессе з хвоі, на глебе асокі і сфагнавыя імхі. Паўночная частка балота ў межах Налібоцкіх лясоў.
Літаратура[правіць | правіць зыходнік]
- Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — 576 с. — 10 000 экз. — ISBN 985-11-0035-8. — ISBN 985-11-0144-3 (т. 8).