Кашталяны вендэнскія

Кашталян вендэнскі — дзяржаўная пасада ў Вендэнскім ваяводстве, супольным валоданні (кандамініуме) Вялікага Княства Літоўскага і Каралеўства Польскага; другая па значнасці пасада пасля ваяводы. Засядаў у Сенаце Рэчы Паспалітай. Пасада створана ў 1598 пры ўтварэнні ваяводства. У 1629 большая частка тэрыторыі Вендэнскага ваяводства адышла да Швецыі, у складзе Рэчы Паспалітай засталіся толькі чатыры паўднёва-заходнія староствы: Дынабургскае, Рэжыцкае, Люцынскае і Марыенгаўзенскае. Па ўмовах Аліўскага міру 1660 Рэч Паспалітая канчаткова прызнала за Швецыяй заваёваную ёю частку ваяводства. Рэшта ваяводства ў 1677 увайшла ў склад новастворанага Інфлянцкага ваяводства, і замест кашталяна вендэнскага была створана пасада кашталяна інфлянцкага.

Кашталяны вендэнскія
Асоба	Дата прыняцця пасады	Дата складання пасады альбо смерці	Заўвагі
Ежы Шонкінг	1599	10 лістапада 1605	Памер
Готард Ян Тызенгаўз	30 студзеня 1621	1634	Паступіў на дорпацкага ваяводу
Мікалай Корф	1 ліпеня 1634	19 лютага 1643	Паступіў на вендэнскага ваяводу
Мікалай Глямбоцкі	1643	1647	Памёр
Генрык Кашоўскі	13 чэрвеня 1647	1677	Страціў пасаду пры стварэнні Інфлянцкага ваяводства

Гл. таксама

• Ваяводы вендэнскія
• Вендэнскае ваяводства