Майкл Джэйстан

Майкл Джэйстан
англ.: Michael Jayston
Дата нараджэння	29 кастрычніка 1935(1935-10-29)
Месца нараджэння	Нотынгем, Нотынгем, Нотынгемшыр, Англія, Вялікабрытанія
Дата смерці	5 лютага 2024(2024-02-05) (88 гадоў)
Месца смерці	Хоўв[d], Брайтан і Хоўв, Усходні Сусекс[d], Паўднёва-Усходняя Англія[d], Англія, Вялікабрытанія
Грамадзянства	Вялікабрытанія
Жонка	Лін Фарлі[d]
Адукацыя	Гілдхалская школа музыкі і тэатра[d]
Прафесія	акцёр, падарожнік-даследчык, тэлеакцёр
IMDb	ID 0419785

Майкл Джэйстан (англ.: Michael Jayston; 29 кастрычніка 1935, Нотынгем, Нотынгемшыр — 5 лютага 2024) — англійскі акцёр.

Майкл Джэйстан атрымаў прызнанне як тэатральны акцёр, да свайго з’яўлення ў кіно і на тэлебачанні. Ды і там першымі яго ролямі сталі ролі ў тэлеадаптацыях Шэкспіраўскіх п’ес «Сон у летнюю ноч» (1968), «Венецыянскі купец» (1973) і «Кароль Лір» (1975). Таксама Джэйстан выканаў ролю служачага Доўлінга ў драме «Гульні ўлады».

Яго кандыдатура разглядалася на ролю Джэймса Бонда, і ён выканаў яе ў радыё адаптацыі фільма «Жывеш толькі двойчы» ў 1990 годзе. У 1970 годзе ён сыграў Генры Айртана ў фільме «Кромвель». Таксама Джэйстан выканаў ролю Мікалая II у фільме «Мікалай і Аляксандра», на здымках якога пазнаёміўся са сваім блізкім сябрам Томам Бейкерам, а ў 1973 годзе — роля містэра Рочэстэра ў серыяле «Джэйн Эйр».

Знамянальнай падзеяй у яго жыцці стала роля Валеярда ў брытанскім навукова-фантастычным серыяле Доктар Хто. У серыі «Дасканалы вораг» Майстар сцвярджае, што Валеярд з’яўляецца чарговым, але злым увасабленнем Доктара.

Таксама Джэйсан выконваў ролі ў такіх серыялах ВПС, як «Жыхары Іст-Энду», «Вуліца Каранацыі», «Толькі дурні і коні», «Нечаканыя гісторыі», «Рахунак».