Мацуа Басё

З пляцоўкі Вікіпедыя.
Перайсці да: рух, знайсці

Мацуо Басё (па-японску: 松尾芭蕉 ці Matsuo Bashō) (1644 — 28 лістапада 1694) — японскі паэт. Найбольш вядомы дзякуючы сваім хайку.

«Мацуа» — прозвішча, але яго звычайна завуць проста «Басё». Слова «басё» азначае «бананавае дрэва». Паэт узяў такі псеўданім, бо аднойчы вучань падараваў яму гэтую расліну. Басё пасадзіў дрэва ля свайго дома, але клімат быў дужа халодны, каб яно давала плады.

Басё нарадзіўся ў правінцыі Іга каля места Кіота ў сям'і самурая і сам быў самураем. Калі яго гаспадар памёр у 1666 годзе, Басё вырашыў не працягваць службу, а стаць пісьменнікам. Першыя публікацыі былі ў Кіота ў 1664 годзе. Ён вывучаў літаратуру і каліграфію. Праз некалькі год паэт пераехаў у Эда (тагачасная назва Токіа). У 1676 годзе ён быў прызнаны майстрам хайку. Утварылася кола яго вучняў, паслядоўнікаў. Яны і пабудавалі ў 1680 годзе яму першую хаціну. Частку свайго жыцця пражыў у хацінах, назіраў за прыродай.

Ён шмат вандраваў пешшу, свае падарожныя нататкі запісваў у дзённікі, якія складаліся з вершаў, яго мастацкіх тэорый і разважанняў. Яго кніга Oku no Hosomichi (奥の細道, «Сцежка праз глыбокую поўнач»), напісаная ў 1694 годзе, з'яўляецца прыкладам гэтага. У кнізе пасярод празаічных апісанняў прыроды тых мясцін, дзе ён вандраваў, устаўленыя хайку, праз якія ён зараз сусветна вядомы.

Спасылкі[правіць | правіць зыходнік]