Медзведніца

Медзведніца
харв. Medvednica
Краявід на Медзведніцу
45°54′39″ пн. ш. 15°56′40″ у. д.
Краіна	Харватыя
Найвышэйшая вяршыня	Слемэ
Найвышэйшы пункт	1033 м
Медыяфайлы на Вікісховішчы

Ме́дзведніца (харв.: Medvednica венг.: Szlyeme hegység) — горны масіў у паўднёва-заходняй частцы Сярэнедунайскай нізіны. Цягнецца з паўднёвага захаду на паўночны ўсход на працягу 42 км на поўнач ад Заграба, паміж далін сярэдней Савы, Сутлі і Крапіны. Найвышэйшы пункт Медзведніцы — Слемэ (1033 метраў над узроўнем мора), на якой знаходзіцца Заграбская тэлевежа, атэль, а на вяршыню вядзе шасэ і канатная дарога. Масіў пакрыты ліставымі лясамі. Горны масіў Медзведніца аддзяляе ад цэнтральнай Харватыі рэгіён Загор'е. Ахоўваная частка Парку прыроды Медзведніца займае 228 км².

На паўночных і ўсходніх схілах Медзведніцы размяшчаюцца горналыжныя трасы з рознай ступенню складанасці. На паўночным схіле рэгулярна праводзяцца міжнародныя спаборніцтвы па гарналыжнаму слаламу пад эгідай Міжнароднай федэрацыі лыжнага спорту.

Адной з галоўных прыродных славутасцей з'яўляецца пячора Ветарніца, размешчаная ў паўднёва-заходняй частцы Медзведніцы. Пячора мае працягласць 7 128 метраў. У пячоры маюцца наскальныя малюнкі, сталактыты і сталагміты, калоніі кажаноў.

На паўднёвым схіле Медзведніцы размешчаны замак Медзведград, пабудаваны ў XIII стагоддзі па рашэнні папы Інакенція IV пасля таго, як войска Батыя спустошыла Заграб, разбурыўшы дамы і храмы. З назіральнай пляцоўкі Медзведграда, з вышыні 500 метраў, адкрываецца цудоўны краявід на Заграб.

Славутасцю Медзведніцы з'яўляецца Зрынская рудня, якая ўяўляе сабой комплекс шахт, калідораў і адкрытых выпрацовак. Яе распрацоўка пачалася ў XV стагоддзі.

Спасылкі

• На Вікісховішчы ёсць медыяфайлы па тэме Медзведніца
• Прыродны парк Медзведніца (харв.)
• Medvednica.info (харв.)