Мікалай Архіпавіч Янкоўскі

Мікалай Архіпавіч Янкоўскі
Мікалай Архіпавіч Янкоўскі
Дата нараджэння	12 лютага 1934
Месца нараджэння	Клетнае, Клятнянскі сельсавет, Глускі раён, Беларусь;
Дата смерці	4 сакавіка 1995 (61 год)
Род дзейнасці	фалькларыст, літаратуразнавец, педагог
Месца працы	Гомельскі дзяржаўны ўніверсітэт імя Францыска Скарыны; Гродзенскі дзяржаўны ўніверсітэт імя Янкі Купалы;
Навуковая ступень	кандыдат філалагічных навук
Навуковае званне	дацэнт;
Альма-матар	Мінскі дзяржаўны педагагічны інстытут імя А. М. Горкага (1958); Гомельскі педагагічны інстытут імя В. П. Чкалава (1964);

Мікалай Архіпавіч Янкоўскі (12 лютага 1934, в. Клетнае, Глускі раён — 4 сакавіка 1995) — беларускі фалькларыст, літаратуразнавец, педагог. Кандыдат філалагічных навук (1968), дацэнт (1972).

Біяграфія[правіць | правіць зыходнік]

Нарадзіўся 12 лютага 1934 года ў вёсцы Клетнае Глускага раёна^[1].

Скончыў Мінскі педагагічны інстытут у 1958 годзе^[1], у 1964 годзе аспірантуру Гомельскага дзяржаўнага педагагічнага інстытута^[2].

У 1958–1959 гадах працаваў настаўнікам у Плюскай сярэдняй школе, у 1959–1960 гадах дырэктар Веснаўскай 7-гадовай школы, у 1960–1961 гадах Слаўкавіцкай сярэдняй школы^[2].

У 1964–1975 гадах выкладаў у Гомельскім універсітэце, з 1975 у Гродзенскім педагагічным інстытуце^[1].

Памёр 4 сакавіка 1995 года^[1].

Навуковая дзейнасць[правіць | правіць зыходнік]

Вывучаў праблемы вуснай народнай творчасці, розныя фальклорныя жанры (прыказкі, прымаўкі, замовы, загадкі, прыпеўкі). Упершыню дэталёва даследаваў мастацкае майстэрства прыказак, карыстаючыся таксама матэрыялам для аналізу, запісаным ім самім у Глускім раёне. На шматлікіх прыкладах разгледзеў асацыятыўнасць прыказак, іх эстэтычна — вобразную прыроду, інтанацыйна — рытмічны і гукавы лад і інш. Даследаваў народную прозу на матэрыяле казак пра жывёл, чарадзейных, сацыяльна-бытавых казак і народных жартаў. Разглядаў вытокі народнай прозы, суадносіны слова і вобраза ў фальклорных творах, асацыятыўнасць мастацкага слова^[1].

Аўтар раздзелаў у навучальным дапаможніку для ВНУ "Беларуская народна-паэтычная творчасць" (1979)^[1].

Творы[правіць | правіць зыходнік]

Паэтыка беларускіх прыказак. Мн., 1971;
Паэтыка беларускай народнай прозы. Мн., 1983;
Вобразна — паэтычная структура казкавага слова // Беларуская літаратура і літаратуразнаўства. Мн., 1973. Вып. 1;
Падвышанае з зямнога // Полымя. 1979. № 6;
Жывое народнае слова // Полымя. 1984. № 5.

Зноскі

↑ ^а ^б ^в ^г ^д ^е І. Я. Лепешаў. Янкоўскі Мікалай Архіпавіч // Беларускі фальклор : Энцыклапедыя ў 2-х тамах / Рэдкал.: Г. П. Пашкоў (гал. рэд.) і інш.; Мастацкі рэд. В. П. Славук. — Мн.: Беларуская Энцыклапедыя. — Т. 2: Л — Я. — 832 с.: іл. — ISBN 985-11-0366-7.
↑ ^а ^б Янкоўскі, Мікалай Архіпавіч (кандыдат філалагічных навук ; фалькларыстыка ; 1934—1995) (нявызн.). unicat.nlb.by. Праверана 7 студзеня 2024.

Літаратура[правіць | правіць зыходнік]

І. Я. Лепешаў. Янкоўскі Мікалай Архіпавіч // Беларускі фальклор : Энцыклапедыя ў 2-х тамах / Рэдкал.: Г. П. Пашкоў (гал. рэд.) і інш.; Мастацкі рэд. В. П. Славук. — Мн.: Беларуская Энцыклапедыя. — Т. 2: Л — Я. — 832 с.: іл. — ISBN 985-11-0366-7.
Янкоўскі Мікалай Архіпавіч // Памяць : Глускі раён. — Мінск, 1999. — С. 573.

[:0-1] а ^б ^в ^г ^д ^е І. Я. Лепешаў. Янкоўскі Мікалай Архіпавіч // Беларускі фальклор : Энцыклапедыя ў 2-х тамах / Рэдкал.: Г. П. Пашкоў (гал. рэд.) і інш.; Мастацкі рэд. В. П. Славук. — Мн.: Беларуская Энцыклапедыя. — Т. 2: Л — Я. — 832 с.: іл. — ISBN 985-11-0366-7.

[:1-2] а ^б Янкоўскі, Мікалай Архіпавіч (кандыдат філалагічных навук ; фалькларыстыка ; 1934—1995) (нявызн.). unicat.nlb.by. Праверана 7 студзеня 2024.

[1]

[2]