Міхаіл Мікалаевіч Тупіцын

Міхаіл Мікалаевіч Тупіцын
Першы сакратар Брэсцкага абкама КП(б) Беларусі кастрычнік 1940 — кастрычнік 1946
Папярэднік	Мікалай Кісялёў
Пераемнік	Васіль Чарнышоў
Нараджэнне	6 лістапада 1906(1906-11-06) ці 1906 Сураўка[d], Сенгілееўскі павет[d], Сімбірская губерня, Расійская імперыя
Смерць	18 чэрвеня 1993(1993-06-18) Масква, Расія
Месца пахавання	Кунцаўскія могілкі[d]
Партыя	КПСС
Адукацыя	Вышэйшая партыйная школа пры ЦК КПСС[d]
Дзейнасць	палітык
Ваенная служба
Прыналежнасць	СССР
Званне	Капітан дзяржаўнай бяспекі
Бітвы	Вялікая Айчынная вайна
Узнагароды

Міхаі́л Мікала́евіч Тупі́цын (6 лістапада 1906, в. Суроўка, Сімбірская губерня — 18 чэрвеня 1993, Масква) — савецкі палітык і афіцэр органаў бяспекі, 1-ы сакратар Брэсцкага абласнога камітэта Камуністычнай Партыі (бальшавікоў) Беларусі (1940—1946), 1-ы сакратар абкама УКП(б) у Ноўгарадзе Вялікім (1948—1951).

Біяграфія

У 1925—1929 гадах вучыўся ў педагагічным тэхнікуме ў Ульянаўску, з верасня 1929 года па кастрычнік 1930 года служыў у Чырвонай Арміі, з 1930 — член УКП(б). У 1930—1932 гадах — настаўнік і дырэктар тэхнікума ў Андыжане, у 1932—1933 гадах — намеснік дырэктара маскоўскага тэхнікума, у 1933—1936 гадах — сакратар камітэта УКП(б) на фармацэўтычна-хімічным заводзе «8 Сакавіка» і кіраўнік бюро камітэта УКП(б) на заводзе «Парыжская камуна» ў Маскве, у 1936—1937 гадах — інструктар і начальнік аддзела раённага камітэта УКП(б) у Маскве, з кастрычніка 1937 па жнівень 1938 года — кіраўнік спецыяльнага сектара ЦК КП(б)Б, з жніўня 1938 да сакавіка 1939 года — 1-ы сакратар Сталінскага раённага камітэта КП(б)Б у Мінску.

Затым уступіў у НКУС, з красавіка 1939 па люты 1940 года — начальнік Упраўлення НКУС Палескай вобласці, 7 чэрвеня 1939 прызначаны капітанам дзяржбяспекі, з лютага па кастрычнік 1940 года — 2-гі сакратар гарадскога камітэта КП(б)Б у Беластоку, з кастрычніка 1940 года па кастрычнік 1946 — 1-ы сакратар абласнога камітэта КП(б)Б у Брэсце.

З ліпеня па кастрычнік 1941 года — начальнік аддзела па рабоце сярод войскаў, якія дзейнічаюць у тыле праціўніка штаба Заходняга Фронту і Цэнтральнага Фронту. З кастрычніка 1940 года па кастрычнік 1943 года — 2-гі сакратар абласнога камітэта УКП(б) у Кіраве.

У 1946—1948 гадах — слухач Вышэйшай партыйнай школы пры ЦК УКП(б), са жніўня да лістапада 1948 года — 2-гі сакратар, з 24 лістапада 1948 года па снежань 1951 года — 1-ы сакратар Наўгародскага абласнога камітэта ВКП(б). Пазней — намеснік начальніка сектара аддзела партыйных, прафсаюзных і камсамольскіх органаў ЦК УКП(б)/КПСС, з лютага 1954 года па студзень 1963 года — намеснік начальніка агульнага аддзела ЦК КПСС, са студзеня 1963 г. па красавік 1969 года — кіраўнік справамі Савета Міністраў РСФСР, затым у адстаўцы.

Пахаваны на Кунцаўскіх могілках.

Узнагароды

Узнагароджаны двума ордэнамі Працоўнага Чырвонага Сцяга, Ордэнам Айчыннай Вайны II ступені і трыма медалямі.

Спасылкі

• http://www.knowbysight.info/TTT/07767.asp (рус.)
• http://www.memo.ru/history/NKVD/kto/biogr/gb493.htm (рус.)