Навіцкія 2

Вёска Навіцкія 2 Краіна Беларусь Вобласць Гродзенская Раён Лідскі Сельсавет Траццякоўскі Каардынаты 53°50′43″ пн. ш. 25°22′36″ у. д. Насельніцтва ▼196 чал. (2009) Часавы пояс UTC+3 Тэлефонны код +375 1561 Паштовыя індэксы 231310 Аўтамабільны код 4 СААТА 4236854051 Навіцкія 2 на карце Беларусі ±

Навіцкія 2 на Вікісховішчы

Наві́цкія 2 (трансліт.: Navickija 2, руск.: Новицкие 2) — вёска ў Лідскім раёне Гродзенскай вобласці. Уваходзіць у склад Траццякоўскага сельсавета.

Гісторыя

Курасеўшчына вядома з другой паловы XVI стагоддзя як сяло ў Лідскім павеце Вялікага Княства Літоўскага, уладанне Навіцкіх.

Вядома, што Самуэль Радзівіловіч, маёр войск Вялікага Княства Літоўскага, меў у спадчыне маёнтак Курасёўшчына ў павеце Лідскім, пазней яго сыны: Ежы — скарбнік віцебскі, Францішак і Міхал — ротмістр ашмянскі — прадалі Курасёўшчыну Юзафу Тукалу ў 1710 годзе за 8500 злотых.

Пасля трэцяга падзелу Рэчы Паспалітай (1795) вёска ў Расійскай імперыі. Належала да Лідскай воласці Лідскага павета Віленскай губерні.

У Першую сусветную вайну з верасня 1915 года да канца 1918 года акупавана германскімі войскамі. Са студзеня 1919 года ў складзе БССР, у красавіку занята польскімі войскамі. З ліпеня да верасня 1920 года кантралявалася Чырвонай Арміяй, затым ізноў польскімі войскамі. З 1921 года ў складзе Польскай Рэспублікі, належала да Лідскай гміны Лідскага павета Навагрудскага ваяводства.

З 1939 года — у БССР. Акупавана нацыстамі з канца чэрвеня 1941 года да пачатку ліпеня 1944 года.

Сучасная назва з 1950 года.

Літаратура

• Гарады і вёскі Беларусі: Энцыклапедыя. Т. 9: Гродзенская вобласць, кн. 2 / рэдкал.: У. У. Андрыевіч (гал. рэд.) і інш. — Мн.: Беларуская Энцыклапедыя імя Петруся Броўкі, 2016. — 848 с.: іл. — 1 500 экз. — ISBN 978-985-11-0908-7.

Спасылкі

• На Вікісховішчы ёсць медыяфайлы па тэме Навіцкія 2