Оскар

Прэмія Акадэміі кінэматаграфічных мастацтваў і навук (анг. Academy Awards, напаўафіцыйна з 1940-х вядомая як «Оскар», англ. Oscar) — галоўная штогадовая нацыянальная кінапрэмія ЗША, непасрэдна была задумана босам студыі Metro-Goldwyn-Mayer Луісам Б. Маерам. Цырымонія ўручэння «Оскараў» транслюецца ў дзесятках краін у прамым эфіры.

Намінацыі прэміі «Оскар»

Асноўныя намінацыі

У наш час прэмія «Оскар» уручаецца па 24 асноўным намінацыям:

Намінацыя	Англійская назва	З якога года існуе
Лепшы фільм года	Best Picture	1929
Лепшая мужчынская роля	Best Actor in a Leading Role	1929
Лепшая жаночая роля	Best Actress in a Leading Role	1929
Лепшая праца мастака-пастаноўшчыка	Best Art Direction	1929
Лепшая аператарская праца	Best Cinematography	1929
Лепшая рэжысура	Best Director	1929
Лепшы сцэнар-адаптацыя	Best Adapted Screenplay	1929
Лепшы гук	Best Sound Mixing	1930
Лепшы анімацыйны кароткаметражны фільм	Best Animated Short Film	1931
Лепшая музыка	Best Original Score	1934
Лепшая песня	Best Original Song	1934
Лепшы мантаж	Best Film Editing	1935
Лепшая мужчынская роля другога плану	Best Actor in a Supporting Role	1936
Лепшая жаночая роля другога плану	Best Actress in a Supporting Role	1936
Лепшыя візуальныя эфекты	Best Visual Effects	1939
Лепшы арыгінальны сцэнар	Best Original Screenplay	1940
Лепшы фільм на замежнай мове	Best Foreign Language Film	1947
Лепшы дызайн гарнітураў	Best Costume Design	1948
Лепшы гукавы мантаж	Best Sound Editing	1963
Лепшы грым	Best Makeup	1981
Лепшы анімацыйны поўнаметражны фільм	Best Animated Feature	2001
Лепшы дакументальны поўнаметражны фільм	Best Documentary Feature	2001
Лепшы дакументальны кароткаметражны фільм	Best Documentary Short Subject	2001
Лепшы мастацкі кароткаметражны фільм	Best Live Action Short Film	2001

Адмысловыя намінацыі

Апроч асноўных намінацый, «Оскары» ўручаюцца таксама і ў спецыяльных намінацыях. Іх уладальнікі вызначаюцца спецыяльна створаным камітэтам Акадэміі і ўручаюцца па-за асноўнай цырымоніяй. У наш час такіх намінацый 6:

• Мемарыяльная ўзнагарода імя Ірвінга Тальберга, якая ўручаецца за выбітны прадзюсарскі ўклад у развіццё кінавытворчасці
• Гуманітарная ўзнагарода імя Джына Хершолта, якая ўручаецца асобе, так ці інакш звязанай з кінематографам, за выбітныя гуманістычныя дасягненні
• Ганаровы «Оскар», які ўручаецца за выбітны ўклад у развіццё кінамастацтва і за заслугі перад Акадэміяй
• «Оскар» за навуковыя і тэхнічныя дасягненні і за мастацкія фільмы, які прысуджаецца фільмам, пастаўленым студэнтамі кінавну ЗША.

Састарэлыя намінацыі

У першыя гады існавання Оскара рэжысёры намінаваліся па дзвюх катэгорыях — лепшы рэжысёр драмы і лепшы рэжысёр камедыі. Аналагічна, на «лёгкую» і «сур'ёзную» падраздзялялася і праца кампазітараў. З 1930-х па 1960-я гады прэміі за лепшы фільм, а таксама лепшую працу мастака і дызайнера па гарнітурах асобна ўручаліся за чорна-белае і каляровае кіно. Таксама ў розныя гады існавалі і намінацыі, якія цяпер трывала адышлі ў нябыт:

• Лепшы памочнік рэжысёра — з 1933 па 1937
• Лепшая харэаграфія — з 1935 па 1937
• Лепшыя тэхнічныя эфекты — у 1929
• Лепшая музыка — адаптацыя ці аранжоўка
• Лепшы каляровы кароткаметражны фільм — з 1936 па 1937
• Лепшы кароткаметражны фільм, зняты ўжывую на 2 бабіны — з 1936 па 1956
• Лепшы наватарскі кароткаметражны фільм — з 1932 па 1935
• Лепшая арыгінальная літаратурная першакрыніца — з 1929 па 1956
• Лепшыя тытры — у 1929
• Лепшая ўнікальная і мастацкая якасць выканання — у 1929
• Моладзевая ўзнагарода Акадэміі — з 1934 па 1960

Спасылкі

• Афіцыйны сайт Амерыканскай кінаакадэміі(англ.) 
• Афіцыйны сайт апошняй цырымоніі «Оскар» (eng)(англ.) 
• База даных па ўсіх намінантах і пераможцам(англ.) 
• Як вырабляюць оскараўские статуэткі(руск.) 
• Кінапрэмія «Оскар»(англ.)  на сайце Internet Movie Database

  Оскар на Google Earth (1958—2008) Google Maps  KMZ (файл метак KMZ для Google Earth)