Рака Кура

З пляцоўкі Вікіпедыя
Перайсці да: рух, знайсці
Кура
азерб.: Kür, груз.: მტკვარი (Мтква́ри), турэцк.: Kura
Рака Кура (Мтквары) ў Тбілісі
Рака Кура (Мтквары) ў Тбілісі
Вусце Каспійскае мора
Вышыня вусця -28 м
Даўжыня 1364 км
Расход вады ≈575[1] м³/с
Вадазбор 188000 км²
Kurarivermap.jpg

Кура́ — рака ў Турцыі, Грузіі і Азербайджане.

Даўжыня 1364 км, плошча басейна 188 тыс. км². Пачынаецца на Армянскім нагор'і ў Турцыі, да г. Тбілісі цячэ пераважна ў цяснінах, месцамі — у міжгорных катлавінах, ніжэй рэчышча падзяляецца на рукавы, даліна пашыраецца. Вышэй г. Мінгечаур у вузкай цясніне перасякае скалістую граду Баздаг, ніжняе цячэнне па Кура-Араксінскай нізіне, моцна меандрыруе, берагі нізкія, абвалаваныя. Упадае ў Каспійскае мора, утварае дэльту (плошча 100 км²). Галоўны прыток — Аракс. Сярэдні гадавы расход вады каля в. Хулур 270 м³/с. Сцёк наносаў да 21 млн. т за год.

Выкарыстоўваецца для арашэння. Частка вады па канале перадаецца для абваднення р. Аракс. У дэльце рыбалоўства (сяўруга, бялуга, асётр, судак і інш.). Суднаходная ў ніжнім цячэнні. Зема-Аўчальская, Мінгечаурская і інш. ГЭС. На Куры — гарады Горы, Тбілісі, Руставі (Грузія), Мінгечаур, Сабірабад (Азербайджан).

Зноскі

  1. (англ.)  Kura River Discharge at Surra. River Discharge Database. Center for Sustainability and the Global Environment (1930-1984). Праверана 12 сакавіка 2010.

Літаратура[правіць | правіць зыходнік]

  • БелЭн у 18 т. Т. 9. - Мн., 1999.
Commons