Рака Чорная Ганча

З пляцоўкі Вікіпедыя
Перайсці да: рух, знайсці
Чорная Ганча
Рака Чорная Ганча (Польшча)
Рака Чорная Ганча (Польшча)
Вусце Рака Нёман
Даўжыня 145 км
Вадазбор 1916 км²
Commons
У ВікіСховішчы ёсць выявы з тэмай:
Чорная Ганча

Чорная Га́нча — рака ў Польшчы і Гродзенскім раёне Беларусі, левы прыток Нёмана.

Даўжыня 145 км. Плошча вадазбору 1916 км². Сярэднягадавы расход вады ў вусці 17 м³/с. Сярэдні нахіл воднай паверхні 1,2 ‰.

Пачынаецца ў Польшчы, працякае праз возера Ганча. Цячэ праз Аўгустоўскую пушчу, па паўночных схілах Гродзенскага ўзвышша. Перасякае дзяржаўную мяжу за 1 км на паўднёвы захад ад в. Лясная. Упадае ў Нёман за 1 км на паўночны захад ад в. Загорнікі. Даўжыня ў межах Беларусі 35 км, плошча вадазбору 178 км².

Прытокі: р. Марыха, Ігорка (злева), шматлікія ручаі.

Даліна глыбока ўрэзаная, шырыня яе ад 0,7 км да 3,5 км. Пойма двухбаковая, забалочаная (шырыня 0,2-1 км), ёсць участкі надпоймавых тэрас (вышыня да 10 м). Рэчышча звілістае, з буйнымі меандрамі. Шырыня ракі ў межань да 10 м.

Літаратура[правіць | правіць зыходнік]

  • Блакiтная кнiга Беларусi: Энцыкл. / БелЭн; Рэдкал.: Н. А. Дзiсько i iнш. — Мн.: БелЭн, 1994.