Рыгор Савельевіч Лахтанаў

Рыгор Савельевіч Лахтанаў
Намеснік Старшыні Савета Міністраў БССР 1947 — 1950
Кіраўнік урада	Панцеляймон Панамарэнка Аляксей Кляшчоў
2-і Міністр лясной і папяровай прамысловасці БССР 6 верасня 1947 — 1950
Кіраўнік урада	Панцеляймон Панамарэнка Аляксей Кляшчоў
Папярэднік	Сцяпан Пыж
Пераемнік	Піліп Самуйленка
4-ы Наркам лясной прамысловасці БССР 19 красавіка 1941 — 31 сакавіка 1945
Кіраўнік урада	Іван Былінскі Панцеляймон Панамарэнка
Папярэднік	Вульф Гайсін
Пераемнік	Сцяпан Пыж
Нараджэнне	1904 Асавец, Магілёўскі павет, Магілёўская губерня, Расійская імперыя
Смерць	1960
Узнагароды

Рыго́р Саве́льевіч Лахта́наў (1904, в. Асавец, Бялыніцкі раён, Магілёўская вобласць — 1960) — савецкі дзяржаўны дзеяч БССР, намеснік Старшыні Савета Міністраў БССР (1947—1950), адзін з кіраўнікоў лесагаспадарчай галіны Беларусі.

Біяграфія

У 1923—1939 гадах працаваў на лесараспрацоўках ў Бялыніцкім і Рагачоўскім раёнах, кіраваў трэстамі «Лесбел», «Мінлеспрам», «Беллесасплаў».

З кастрычніка 1939 года працаваў намеснікам наркама, з сакавіка 1941 года наркамам лясной прамысловасці БССР.

У 1947 — 1950 гадах — міністр лясной і папяровай прамысловасці БССР, адначасова — намеснік старшыні Савета Міністраў БССР.

У 1950 — 1952 гадах — намеснік міністра лясной і папяровай прамысловасці СССР, затым на адказных пасадах у Міністэрстве лясной прамысловасці РСФСР, Міністэрстве лясной прамысловасці СССР.

Член ЦК КПБ. Дэпутат Вярхоўнага Савета БССР у 1947—1950 гадах.

Узнагароды

Узнагароджаны двума ордэнамі Леніна, ордэнам Кастрычніцкай Рэвалюцыі і ордэнам Чырвонага Сцяга, шматлікімі медалямі.

Спасылкі

• Белыничский районный исполнительный комитет. Знаменитые земляки (руск.)