Свята-Крыжаўзвіжанская царква (Каралёў Стан)
| Славутасць | |
| Свята-Крыжаўзвіжанская царква | |
|---|---|
.jpg) | |
| 53°59′07″ пн. ш. 27°47′33″ у. д.HGЯO | |
| Краіна |
 Беларусь |
| Вёска | Каралёў Стан |
| Канфесія | БПЦ |
| Епархія | Мінская епархія |
| Дата пабудовы | пач. XXI ст. |
 |
|
Свята-Крыжаўзвіжанская царква — драўляны праваслаўны храм у вёсцы Каралёвым Стане Мінскага раёна Мінскай вобласці. Знаходзіцца на зав. Васкрасенскі, 1[1].
Гісторыя[правіць | правіць зыходнік]
Пабудавана ў пачатку XXI ст. з дрэва на месцы храма, спаленага ў 1996 годзе. У верасні 1998 года храм наведаў свяцейшы Патрыярх Маскоўскі і ўсея Русі Аляксій ІІ.
Архітэктура[правіць | правіць зыходнік]
Архітэктура храма вытрымана ў стылі драўлянага дойлідства Рускай Поўначы XVII ст. Над шатровым дахам цэнтральнага кубападобнага зруба ўзведзена цыбулепадобная галоўка. Папярочны прытвор завершаны высотнай 2-яруснай каркаснай шатровай званіцай з макаўкай. Такая ж макаўка над вальмавым дахам прамавугольнай апсіды. Галоўны і бакавыя ўваходы вылучаны 2-слуповымі ганкамі пад 2-схільнымі пакрыццямі. Фігурна ашаляваныя фасады прарэзаны прамавугольнымі аконнымі праёмамі. У інтэр’еры драўляны іканастас з разнымі царскімі варотамі: на фоне трыльяжнай сеткі вылучаны круглыя абразы-тонда з выявамі евангелістаў[2].
Зноскі
- ↑ ХРАМ ВОЗДВИЖЕНИЯ КРЕСТА ГОСПОДНЯ В ДЕРЕВНЕ КОРОЛЕВ СТАН(недаступная спасылка). Архівавана з першакрыніцы 3 лістапада 2019. Праверана 3 лістапада 2019.
- ↑ Крыжаўзвіжанская царква
Літаратура[правіць | правіць зыходнік]
- Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4
Спасылкі[правіць | правіць зыходнік]
- Свята-Крыжаўзвіжанская царква (Каралёў Стан) на сайце Глобус Беларусі (руск.)