Снукер
З пляцоўкі Вікіпедыя.
Сну́кер — адна з гульняў у бiльярд. Найбольш распаўсюджана ў Вялікабрытаніі, але ў апошні час паяўляюцца моцныя гульцы з розных краін.
Змест |
[правіць] Асноўныя рысы
У пачатку гульні на гульнявым стале размяшчаюцца 15 чырвоных шароў, пакладзеныя пірамідай, і 6 каляровых шароў, кожны з якіх размешчаны на пэўнай метцы на стале. Для ўдараў па каляровым шарам выкарыстоўваюць белы шар (біток). У выпадку, калі біток трапляе ў лузу, гулец атрымлівае штрафныя ачкі. Гульцы павінны па чарзе забіваць каляровыя і чырвоныя шары. Пакуль чырвоныя шары застаюцца на стале, забітыя каляровыя шары выстаўляюцца на свае пазіцыі. Выйграе тый з гульцоў, які набярэ большую колькасць ачкоў.
Шары маюць розную колькасць ачкоў:
-
- чырвоны шар — 1 ачко
- жоўты шар — 2 ачкі
- зялёны шар — 3 ачкі
- карычневы шар — 4 ачкі
- сіні шар — 5 ачкоў
- ружовы шар — 6 ачкоў
- чорны шар — 7 ачкоў.
Найбольш магчымая колькасць ачкоў за адну серыю — 147 (без «свабоднага шара») і 155 (са «свабодным шарам»). Такія серыі (147 і 155 ачкоў) называюць «максімальнымі серыямі» ці «максімальнымі брэйкамі». Каб атрымаць максімальную колькасць ачкоў, гульцу трэба забіць усе чырвоныя шары, забівая чорны шар пасля кожнага забітага чырвонага, а пасля, калі ўсе чырвоныя шары будуць забітыя, забіць па старшынству ўсе каляровыя шары.
[правіць] Гісторыя
Лічыцца, што снукер быў прыдуманы ў 1875 палкоўнікам брытанскіх каланіяльных войскаў у Індыі. Першапачаткова ў снукеры была 15 чырвоных шароў і 4 каляровых, але да 1920-х іх стала 6. З 1927 праводзяцца рэгулярныя чэмпіянаты па снукеры, з 1977 — у Шэфілдзе (Англія). Зараз снукер добра вядомы ў Вялікабрытаніі і Ірландыі, а таксама ў Кітаі.
[правіць] Вядомыя снукерысты
- Роні О'Саліван (англ.: Ronnie O’Sullivan), Англiя — чэмпiён свету 2001, 2004 i 2008 гадоў, пераможца турніру Grand Prix 2004 года, Welsh Open 2005 года, Masters 2005 і 2009 гадоў, Irish Masters 2005 года, уладальнік самага хуткага максімальнага брэйка ў 147 ачкоў
- Стывен Хендры (англ.: Stephen Hendry), Шатландыя — у 1990-я выйграў 7 чэмпіянатаў свету
- Джымi Уайт (англ.: Jimmy White), Англiя — шасціразовы фiналiст чэмпiянатаў свету
- Дзiн Джуньху, Кiтай — чэмпiён турнiра China Open 2005, Northern Ireland Trophy 2006
- Джо Дэвіс (англ.: Joe Davis), Англiя — 15-разовы чэмпiён свету, першы чэмпiён свету (1927 г.)
- Джон Хiгiнс (англ.: John Higgins), Шатландыя — чэмпiён свету 1998 и 2007 гадоў
- Сців Дэвіс (англ.: Steve Davis), Англія — у 1980-я выйграў 6 чэмпіянатаў свету
- Марк Уільямс (англ.: Mark Williams), Уэльс — чэмпіён свету 2000, 2003 гадоў
- Пол Хантэр (англ.: Paul Hunter), Англія — пераможца чэмпіянату Masters 2004 года, чэмпіянату Benson & Hedges Masters 2002 года
[правіць] Кароткi гласарый
- бiток — белы шар, якiм выконваецца ўдар па iншым шарам
- брэйк — бесперапынная серыя ўдараў аднаго гульца
- прыцэльны шар — шар, па якому выконваецца ўдар
- сэнчуры-брэйк — бесперапынная серыя ў 100 i болей ачкоў
- снукер — пазiцыя на iгравым стале, калi бiток закрыты ад прыцэльнага шара iншым шаром i не можа прайсцi да яго па прамой
