Удод

З пляцоўкі Вікіпедыя.
Перайсці да: рух, знайсці
Удод
Удод
Навуковая класіфікацыя
Міжнародная навуковая назва

Upupa epops L., 1758

Падвіды
  • U. e. africana
  • U. e. epops
  • U. e. marginata
  • U. e. senegalensis
  • U. e. ceylonensis
  • U. e. longirostris
  • U. e. major
  • U. e. orientalis
  • U. e. saturata
  • U. e. waibeli
Арэал
выява

  Месцы гнездаванняў

  Круглы год

  Міграцыі

Ахоўны статус
Wikispecies-logo.svg
Сістэматыка
на Віківідах
Commons-logo.svg
Выявы
на Вікісховішчы
ITIS   178117
NCBI   57439
EOL   917145

Удод (Upupa epops) — невялікага памеру птушка з пер'ем стракатай афарбоўкі і вялікай вузкай (4-5 см) дзюбай.

Апісанне[правіць | правіць зыходнік]

POUPA - Hoopoe - Upupa epops.jpg

Даўжыня цела - 25-29 см, размах крылаў - да 48 см. На галаве - характэрны нарост у выглядзе доўгіх пёраў - чуб. Звычайна пёры чубу шчыльна прыціснутыя адно да аднаго, але часам птушка раскрывае іх, нібы веер. Пер'е на крылах і хвасце - чорнае і белае, утварае выразна акрэсленыя палосы. Афарбоўка пер'я галавы, шыі і грудной часткі - ружаватая, вохрыстая ці нават рудавата-карычневая (у залежнасці ад месца пражывання і падвіду). Чуб аранжава-рудога колеру, пёры ў чубе маюць чорнае наверша. Крылы афарбаваныя чорнымі і жаўтаватымі барвамі, таксама ў выглядзе палос. Хвост сярэдняй даўжыні, чорны з шырокаю белаю паласою пасярэдзіне.

Удод - адзіны прадстаўнік сямейства удодавых (Upupidae), атрада ракшападобных.

Удод - птушка не палахлівая, але вельмі асцярожная. Птушаняты удода маюць адмысловую абарону ад магчымых ворагаў: у небяспечнай сітуацыі яны апырскваюць іх струменем смуроднае вадкасці. Тое ж уласціва і дарослым птушкам. Паводле беларускага этыялагiчнага мiфа, удод быў некалi царом птушак. Але яму захацелася стаць птушыным богам. За такое зухвальства Бог пакараў яго, сказаўшы: «Не быць табе богам, быць табе смярдзючым удодам». Ад колішняга царскага ўбору заўстаўся ў удода толькі чуб - напамінак пра карону[1].

Арэал[правіць | правіць зыходнік]

Удод шырока распаўсюджана ў цэнтральных і паўднёвых раёнах Еўропы, у Сярэдняй Азіі, Індыі, Кітаі, а таксама амаль на ўсім Афрыканскім кантыненце. У Афрыцы удоды жывуць на працягу ўсяго года, а ў Еўропе і Азіі бываюць у час гнездавання і вывядзення птушанятаў. Улюбёныя месцы пражывання - адкрытая мясцовасць з невялікаю колькасцю дрэваў ці рэдкім кустоўем, лугі, паша. Удод шмат часу праводзіць на зямлі, палюючы на жамяру.

Ахова[правіць | правіць зыходнік]

Паштовая марка Беларусі
Upupa epops

Колькасць удодаў у свеце апошнім часам змяншаецца. У Міжнароднай Чырвонай кнізе удоду нададзены статус таксона мінімальнай рызыкі (катэгорыя LC).

Зноскі