Узброенае паўстанне ў Гранадзе (1936)
| Узброенае паўстанне ў Гранадзе | |||
|---|---|---|---|
| Асноўны канфлікт: Грамадзянская вайна ў Іспаніі | |||
| Дата | 20—23 ліпеня 1936 года | ||
| Месца | Гранада | ||
| Вынік | перамога паўстанцаў | ||
| Праціўнікі | |||
|
|||
Узброенае паўстанне ў Гранадзе — частка падзей ліпеньскага путчу 1936 года ў Іспаніі, калі мяцежныя вайскоўцы ўзялі пад кантроль горад Гранада.
Бунт пачалі байцы гранадскага гарнізона а пяці гадзін раніцы 20 ліпеня, адразу пасля поспехаў іншых змоўшчыкаў у Мелільі і Севільі, якія паўстанцы-нацыяналісты захапілі яшчэ 17—18 ліпеня. Камандуючы гарадскімі воінскімі часцямі Мігель Кампінс быў вымушаны перайсці на бок путчыстаў, у той час як тым хутка ўдалося ўсталяваць кантроль над цэнтрам Гранады. Грамадзянскі губернатар Сезар Торэс Марцінес, камандзір мясцовай грамадзянскай гвардыі, мэр і старшыня савета былі арыштаваны. Паўстанцам таксама атрымалася заняць аэрадром Арміла і іншыя стратэгічныя кропкі[1].
Рабочыя і тыя, хто заставаліся вернымі ўраду, замацаваліся ў раёне Альбайсін. Супраціўлянцы былі дрэнна ўзброены і дэзарганізаваны, таму паўстанцы пры падтрымцы артылерыі пасля некалькіх дзён баёў здолелі захапіць аплот рэспубліканцаў у Грэнадзе[2].
Падчас гэтых падзей нацыяналісты разгарнулі рэпрэсіі супраць рэспубліканцаў. Многіх палонных забівалі. Дакладны лік ахвяраў палітычнага гвалту ў Грэнадзе невядомы[3].
Крыніцы[правіць | правіць зыходнік]
- ↑ Gibson 1981, pp. 89–98.
- ↑ Thomas 1976, p. 277.
- ↑ Preston 2013, pp. 247.
Літаратура[правіць | правіць зыходнік]
- Gibson, Ian (1981). El Asesinato de Federico García Lorca. Barcelona: Editorial Bruguera.
- Preston, Paul (2013). El Holocausto Español. Odio y Exterminio en la Guerra Civil y después. Barcelona: Debolsillo.
- Thomas, Hugh (1976). Historia de la Guerra Civil Española. Barcelona: Círculo de Lectores. ISBN 84-226-0874-X.