Узброеныя сілы ЗША

Узброеныя сілы ЗША — дзяржаўная ваенная арганізацыя Злучаных Штатаў Амерыкі, сукупнасць відаў узброеных сіл, прызначаная для абароны свабоды, незалежнасці і тэрытарыяльнай цэласнасці ЗША як дзяржавы. Рэгулярныя ўзброеныя сілы былі створаны ў ЗША ў 1775 годзе ў па рашэнні 2-га Кантынентальнага кангрэса.

У склад Узброеных сіл ЗША ўваходзяць самастойныя віды войскаў - Сухапутныя войскі, Ваенна-паветраныя сілы, Ваенна-марскія сілы, Марская пяхота і Берагавая ахова, а таксама часткі і злучэнні Рэзерву, у тым ліку Нацыянальнай гвардыі.

Склад і колькасць

У адпаведнасці з раздзелам 10 Кодэкса Злучаных Штатаў Амерыкі пад тэрмінам «узброеныя сілы» маюцца на ўвазе сухапутныя войскі, ваенна-паветраныя сілы, ваенна-марскія сілы, корпус марской пяхоты і берагавая ахова.

• Армія ЗША (Сухапутныя войскі ЗША) (заснавана 14 чэрвеня 1775 г.);
• Ваенна-паветраныя сілы ЗША (заснаваныя 18 верасня 1947 г.);
• Ваенна-марскія сілы ЗША (заснаваныя 13 кастрычніка 1775 г.);
• Корпус марской пяхоты ЗША (заснаваны 10 лістапада 1775 г.);
• Берагавая ахова ЗША (заснавана 4 жніўня 1790 г.).

Спасылкі

• Афіцыйны сайт міністэрства абароны ЗША (англ.) 
• Інфармацыя на афіцыйным сайце берагавой аховы ЗША