Штаты ЗША

Карта ЗША з назвамі штатаў

ШТАТЫ ЗША (англ.: дзяржава, краіна), асноўныя дзяржаўна–тэрытарыяльныя адзінкі ЗША (50 штатаў), якія маюць значную ступень суверэнітэту ва ўнутраных справах і саступаюць усе паўнамоцтвы ў адносінах з замежнымі дзяржавамі федэральным уладам. Прыняццю якой-небудзь тэрыторыі ў склад ЗША папярэднічае працяглая працэдура: абавязковае прыняццё тэрыторыяй уласнай канстытуцыі, якая павінна задаволіць Кангрэс ЗША, які рашае, ці прымаць яе ў склад ЗША. Не мае права выхаду са складу Злучаных Штатаў.

Назвы штатаў

Слова state уваходзіць у назвы 46 штатаў (напрыклад: State of Texas). Слова з'явілася яшчэ ў каланіяльны перыяд (прыкладна ў 1648) — ім звалі часам асобныя калоніі і стала выкарыстоўвацца паўсюдна пасля прыняцця Дэкларацыі незалежнасці ў 1776.

У аснове паходжання пэўных назваў штатаў ляжаць шэсць крыніц: назвы 26 штатаў — індзейскага паходжання (з іх, прынамсі, адно — Айдаха — насамрэч прыдуманае слова); 11 – англійскага; 6 — іспанскага, 3 — французскага; назва Аляска – з мовы эскімосаў; Гаваі — з гавайскай мовы; назва Род-Айленд узятая з галандскай мовы; назва Вашынгтон — мае карані ў гісторыі ЗША.