Фелічэ Казараці

Фелічэ Казараці
Дата нараджэння	4 снежня 1883(1883-12-04)[…]
Месца нараджэння	Навара, правінцыя Навара, П’емонт, Італія
Дата смерці	1 сакавіка 1963(1963-03-01)[…] (79 гадоў)
Месца смерці	Турын, правінцыя Турын, П’емонт, Італія
Грамадзянства	Італія  Каралеўства Італія
Жонка	Daphne Maugham Casorati[d]
Род дзейнасці	мастак, дызайнер, графік, скульптар
Жанр	партрэт
Вучоба	Падуанскі ўніверсітэт
Член у	Акадэмія прыгожых мастацтваў[d]
Подпіс
Медыяфайлы на Вікісховішчы

Фелічэ Казараці (іт. Felice Casorati, 4 снежня 1883, Навара — 1 сакавіка 1963, Турын) — італьянскі мастак.

Ф. Казараці нарадзіўся ў сям'і афіцэра. У дзяцінстве і юнацтве Казараці часта пераязджалі з месца на месца, жылі ў Мілане, на Сардзініі, у Падуі. Будучы мастак першапачаткова вучыўся на піяніста, затым скончыў факультэт права ў Падуанскім універсітэце. Паралельна ён браў урокі жывапісу - перш у Павіі, а з 1908 года - у Неапалі. У 1907 і 1909 гадах прайшлі выставы яго карцін у Венецыі. У гады Першай сусветнай вайны быў прызваны ў войска. У 1923 годзе Казараці быў арыштаваны за ўдзел у антыфашысцкім руху.

У творчасці мастака першапачаткова моцны ўплыў сімвалізму і стылю мадэрн (асабліва Густава Клімта). У пачатку 1920-х гадоў Казараці прымае метафізічны рэалізм Джорджа дэ Кірыка і выкарыстоўвае яго прынцыпы прасторавай пабудовы на палатне. Пазней у 1920-я гады вывучаў мастацтва Адраджэння (асабліва працы П’ера дэла Франчэска). Пісаў нацюрморты, жанравыя і рэлігійныя палотны, жаночыя партрэты і карціны ню; працаваў таксама як тэатральны мастак.