Фёдар Мікалаевіч Глінка

Фёдар Мікалаевіч Глінка (8 (19) чэрвеня 1786, маёнтак Сутокі Духаўшчынскага ўезда, цяпер Смаленская вобласць — 11 (23) лютага 1880, Цвер) — рускі паэт, публіцыст, празаік, афіцэр, удзельнік дзекабрысцкіх таварыстваў; брат С. М. Глінкі.

Удзельнік Айчыннай вайны 1812, член «Саюза выратавання», адзін з кіраўнікоў «Саюза дастатку». Вайсковы дзённік «Пісьма рускага афіцэра» (1815—1816). Біблейскія матывы ў лірыцы («Досведы святой паэзіі», 1826). Вершы «Тройка» (1824) і «Вязень» (1831) сталі папулярнымі песнямі.