Хуткасць святла

З пляцоўкі Вікіпедыя.

Перайсці да: рух, знайсці

Хуткасць святла ў вакууме — важная фізічная канстанта, звычайна пазначаецца літарай c. Метр вызначаны такім чынам, каб хуткасць святла ў вакууме была роўная дакладна 299 792 458 метраў за секунду (м/с).

Хуткасць святла мае фундаментальнае значэнне ў фізіцы. Гэта не толькі хуткасць бачнага святла, але і ўсіх відаў электрамагнітнага выпраменьвання, наогул, усяго, што мае нулявую масу спакою. У тэорыі адноснасці Эйнштэйна хуткасць святла адыгрывае ключавую ролю як спалучальны фактар паміж прасторай і часам. У спалучэнні з прынцыпам прычыннасці гэтая тэорыя гаворыць, што ніякая матэрыя ці інфармацыя не можа перамяшчацца хутчэй за хуткасць святла.

[правіць] Вызначэнне хуткасці святла

У 1983 годзе 17-ай Генеральнай канферэнцыяй па вагам і вымярэнням метр вызначаны як адлегласць, якую праходзіць святло ў вакууме за 1/299792458 долю секунды.

Як следства з такога вызначэння, ніякія эксперыментальныя вымярэнні не могуць змяніць значэнне хуткасці святла. Дакладныя вымярэнні хуткасці святла могуць, аднак, удакладніць даўжыню метра.

Узята з "http://be.wikipedia.org/wiki/%D0%A5%D1%83%D1%82%D0%BA%D0%B0%D1%81%D1%86%D1%8C_%D1%81%D0%B2%D1%8F%D1%82%D0%BB%D0%B0"