Элісан Анідзука

З пляцоўкі Вікіпедыя
Перайсці да: рух, знайсці
Элісан Сёдзі Анідзука
鬼塚 承次
Элісан Анідзука
Элісан Анідзука
Краіна:

Flag of the United States.svg ЗША

Спецыяльнасць:

спецыяліст палёту

Вайсковае званне:

палкоўнік

Экспедыцыі:

STS-51-C, STS-51-L

Дата нараджэння:

24.6.1946

Месца нараджэння:

Кеалакекуа, Тэрыторыя Гаваі

Дата смерці:

28.1.1986

Месца смерці:

загінуў падчас катастрофы шатла «Чэленджэр».

Узнагароды:
Касмічны медаль пашаны Кангрэса
Медаль пахвальнай службы

Элісан Сёдзі Анідзука (24 чэрвеня 1946 - 28 студзеня 1986) — амерыканскі астранаўт гавайска-японскага паходжання, член экіпажа шатла «Чэленджэр».

Біяграфія[правіць | правіць зыходнік]

Скончыў школу ў Кеалакекуа ў 1964 годзе. У чэрвені 1969-га атрымаў ступень бакалаўра па аэранаўтыцы і астранаўтыцы ва ўніверсітэце Каларада, а ў снежні таго ж года - ступень магістра па той жа спецыяльнасці.

У 1970 годзе пачаў службу ў ВПС ЗША ў якасці борт-інжынера, пасля лётчыка-выпрабавальніка. Праходзіў службу на авіябазе Мак-Клелан ў акрузе Сакрамента. Са жніўня 1974-га па ліпень 1975 - навучанне ў Школе лётчыкаў-выпрабавальнікаў. Пасля заканчэння школы атрымаў прызначэнне ў Цэнтр лётных выпрабаванняў авіябазы Эдвардс.

У 1978 годзе ў складзе 8-га набору трапіў у атрад астранаўтаў НАСА. Першы палёт у космас ажыццявіў у складзе экспедыцыі STS-51C на касмічным чоўне «Дыскаверы» у студзені 1985 года. Затым быў прызначаны ў экіпаж місіі STS-51L на «Чэленджэр». Касмічны карабель пацярпеў катастрофу пры запуску 28 студзеня 1986 года. Анідзука загінуў разам з усімі астатнімі членамі экіпажу. Пахаваны на Нацыянальным ціхаакіянскім мемарыяльным могілках у Ганалулу. Пасмяротна прысвоена званне палкоўніка.

Спасылкі[правіць | правіць зыходнік]