Юрый Аляксандравіч Лобач

Юрый Аляксандравіч Лобач
Нараджэнне	29 красавіка 1963(1963-04-29) (60 гадоў) Цяхцін, Цяхцінскі сельсавет, Бялыніцкі раён, Магілёўская вобласць, БССР, СССР
Адукацыя	Беларуска-Расійскі ўніверсітэт
Дзейнасць	палітык
Узнагароды	нагрудны знак «Ганаровы дарожнік Беларусi» I ступені[d] нагрудны знак «Ганаровы дарожнік Беларусi» II ступені[d] Ганаровая грамата Мінскага абласнога выканаўчага камітэта[d]

Юрый Аляксандравіч Лобач (нар. 29 красавіка 1963, в. Цяхцін Бялыніцкага раёна Магілёўскай вобласці) — беларускі палітык.

Біяграфія

Скончыў Магілёўскі машынабудаўнічы інстытут па спецыяльнасці «Будаўнічыя і дарожныя машыны і абсталяванне».

Працоўную дзейнасць пачаў вытворчым майстрам на доследна-механічным заводзе рэспубліканскага прамысловага аб’яднання «Дарбудматэрыялы». Працаваў начальнікам механазборачнага ўчастка, механазборачнага цэха, намеснікам дырэктара, дырэктарам доследна-механічнага завода дзяржаўнага прадпрыемства «Дартрэстбудіндустрыя», генеральным дырэктарам адкрытага акцыянернага таварыства «Дарбудіндустрыя».

З’яўляўся дэпутатам Мінскага абласнога Савета дэпутатаў дваццаць пятага і дваццаць шостага скліканняў. Выбіраўся дэпутатам Палаты прадстаўнікоў Нацыянальнага сходу Рэспублікі Беларусь 6-га склікання.

Узнагароды

Узнагароджаны знакам «Ганаровы дарожнік Беларусі» І і IIступені, юбілейным медалём «110 гадоў прафсаюзнага руху Беларусі», ганаровымі граматамі Міністэрства транспарту і камунікацый Рэспублікі Беларусь, Мінскага абласнога выканаўчага камітэта, Федэрацыі прафсаюзаў Беларусі.