Яўген Міхайлавіч Стэльмах

Яўген Міхайлавіч Стэльмах
Дата нараджэння	11 мая 1923(1923-05-11)
Месца нараджэння	Вязаўніца, Бабруйскі павет, БССР, СССР
Дата смерці	1 чэрвеня 1951(1951-06-01) (28 гадоў)
Месца смерці	Карэя
Месца пахавання	Lüshunkou District[d]
Альма-матар	Чарнігаўскае вышэйшае ваеннае авіяцыйнае вучылішча лётчыкаў[d]
Грамадзянства	СССР
Прыналежнасць	СССР
Род войскаў	Ваенна-паветраныя сілы СССР
Гады службы	1941—1951
Званне	Старшы лейтэнант ВПС СССР
Часць	18-ы гвардзейскі Віцебскі двойчы Чырванасцяжны ордэна Суворава II ступені знішчальны авіяцыйны полк
Пасада	камандзір звяна
Бітвы/войны	Вялікая Айчынная вайна Вайна ў Карэі
Узнагароды і званні

Яўген Міхайлавіч Стэ́льмах (11 мая 1923, вёска Вязаўніца, Асіповіцкі раён, Магілёўская вобласць — 1 чэрвеня 1951) — ваенны лётчык, удзельнік Вялікай Айчыннай вайны, карэйскай вайны 1950—1953 гадоў, Герой Савецкага Саюза (1951).

Біяграфія

Скончыў Мінскі аэраклуб у 1941 годзе, Чарнігаўскую ваенную авіяшколу лётчыкаў у 1943 годзе. Лётчык-знішчальнік старшы лейтэнант Я. Стэльмах удзельнічаў у паветраных баях на Курскай дузе, суправаджаў караблі на Белым моры, Паўночным Ледавітым акіяне. У час карэйскай вайны 1950—1953 гг. камандзір звяна старшы лейтэнант Стэльмах у складзе савецкага 64-га знішчальна-авіяцыйнага корпуса ўдзельнічаў у паветраных баях. 1 чэрвеня 1951 года Яўген Стэльмах збіў бамбардзіроўшчыка праціўніка В-29 і падбіў другі, аднак сам быў збіты варожым знішчальнікам. Прызямліўшыся на парашуце, уступіў у бой з дыверсійнай групай праціўніка і, каб не трапіць у палон, застрэліўся. Пахаваны на Рускіх вайсковых могілках у горадзе Люйшунь (Кітай).

Літаратура

• Стэ́льмах Яўген Міхайлавіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 230—231. — 10 000 экз. — ISBN 985-11-0035-8. — ISBN 985-11-0251-2 (т. 15).

Спасылкі

• О Герое Советского Союза Евгении Стельмахе (руск.) (Праверана 6 ліпеня 2023) // СБ. Беларусь сегодня, № 208 (24345). Субота, 2 лістапада 2013 года.
• 100 лет со дня рождения Героя Советского Союза Евгения Михайловича Стельмаха (руск.) (Праверана 6 ліпеня 2023) // Беларускі дзяржаўны музей гісторыі Вялікай Айчыннай вайны
• Стельмах Евгений Михайлович // Советские асы Корейской войны 1950—1953 гг. (Из книги И. Сейдова — «Красные дьяволы» в небе Кореи". — Москва: «ЯУЗА—ЭКСМО», 2007. год.) (руск.) (Праверана 6 ліпеня 2023)