30-я асобная чыгуначная брыгада

30-я Чырванасцяжная асобная чыгуначная брыгада
Гады існавання	з 1941 г.
Краіна	Беларусь
Уваходзіць у	Транспартныя войскі
Тып	воінская часць
Дыслакацыя	Слуцк
Удзел у	Вялікая Айчынная вайна Чарнобыльская катастрофа

30-я Чырванасцяжная асобная чыгуначная брыгада — адно з падраздзяленняў транспартных войск Узброеных сіл Рэспублікі Беларусь.

Гісторыя

30-я чыгуначная брыгада была заснавана ў 1941 годзе ў Мічурынску Тамбоўскай вобласці. У перыяд наступальных аперацый савецкіх войскаў Паўночна-Заходняга, Прыбалтыйскага і Ленінградскага франтоў ваеннаслужачыя 30-й асобнай чыгуначнай брыгады аднавілі 1225 кіламетраў чыгуначных пуцей і каля 200 мастоў, пабудавалі каля 230 кіламетраў новых дарог. Пасля вайны брыгада займалася аднаўленнем чыгуначнай гаспадаркі Данбаса.

У 1965 годзе брыгада была перадыслацыравана з Мічурынска ў Мінск. Знаходзячыся ў БССР, вайскоўцы прынялі ўдзел у ліквідацыі наступства аварыі на Чарнобыльскай АЭС.

Пасля здабыцця Беларуссю незалежнасці, у 1993 годзе брыгада была перадыслацыравана ў з Мінска ў Жодзіна. У 2011 годзе, шляхам аб’яднання 30-й і 307-й чыгуначнай брыгады, 30-я чыгуначная брыгада была перамешчана ў Слуцк, дзе знаходзіцца і да гэтага часу.

Структура

У склад 30-й чыгуначнай брыгады ўваходзяць наступныя падраздзяленні:

• 71-ы пуцявы чыгуначны батальён;
• 77-ы асобны маставой чыгуначны батальён;
• 174-ы асобны чыгуначны батальён механізацыі;
• 259-ы асобны мабільна-аднаўленчы чыгуначны батальён;
• Рамонтны батальён;
• Рота матэрыяльнага забеспячэння;
• Школа падрыхтоўкі малодшых спецыялістаў;

Спасылкі

• Ваяр. 30 ождбр — 81 год (руск.) (2022-14-07).(недаступная спасылка)
• Наследие слуцкого края. 30‑я Краснознаменная отдельная железнодорожная бригада (руск.) (2015-29-07).