Garadzkija

GARADzKIJA
Жанр	рок
Гады	2003 — нашы дні
Краіна	Беларусь
Горад	Мінск
Мова песень	беларуская
Лэйбл	West Records
Склад	Піт Паўлаў Андрэй Сапоненка Андрэй Кавалькоў Аляксандр Гарон
Іншыя праекты	Мроя N.R.M. KRIWI Pete-Paff Народны Альбом

GARADzKIJA (Гарадзкія, таксама сустракаецца варыянт Garadzkija i GRDzK) — беларускі рок-гурт, заснавальнікам якога з’яўляецца Піт Паўлаў (гітарыст N.R.M.). Назва GARADzKIJA, па задуме Піта Паўлава павінна адлюстроўваць урбаністычны стыль музыкі, якую грае гурт. Пры гэтым «GARADzKIJA — гэта не супрацьпастаўленне вясковым, гэта проста канстатацыя факта, што ёсць гарадскія каштоўнасці».

Гурт удзельнічаў у праекце «Генералы айчыннага року» (Мінск, 2004), на якім атрымаў гран-пры.

Альбомы

Гурт дэбютаваў у 2003 годзе аднайменным альбомам — «Garadzkija», у назве якога была спецыяльна зроблена памылка, што на думку музыкаў павінна адлюстроўваць умоўнасць сучаснага гарадскога асяроддзя, вясковае паходжанне большасці сучасных гараджан.

Альбом складаецца з 13 кампазіцыяў і мультымэдыйнага трэку (фота, відэаматэрыялы). Прэзентацыя дыска адбылася 7 лістапада 2003 года ў клубе «Рэактар», у дзень нараджэння Піта Паўлава.

1. «Ня рві сабе жыцьцё»
2. «Каўбасіць ды плюшчыць»
3. «Як манэкен»
4. «Мяне нясе»
5. «Як ты пахнеш вясной»
6. «Сам на-сам»
7. «Карамба»
8. «А ў лесе, лесе»
9. «Той, што прыйдзе пасьля»
10. «Сіні апэльсын»
11. «На край»
12. «Нэлегал»
13. «На далоні»

Акрамя таго, гурт запісаў яшчэ некалькі песень:

• «Так ці не»
• «Усё, што мяне ў гэтым сьвеце трымае»

Склад

• Піт Паўлаў: гітара
• Андрэй Сапоненка: ударныя (адначасова і ў Pete Paff)
• Андрэй Кавалькоў: гітара
• Аляксандр Гарон: бас-гітара

Былыя ўдзельнікі:

• Дзяніс Савік: гітара (да 2008)
• Алезіс Дземідовіч: ударныя (да 2008)
• Лёша Рудольф: бас (да 2008)

Відаэграфія

• «Як манэкен» (рэжысёр — Віталь Чыжоў). Піт сядзіць на прыпынку і чагосьці чакае. Сядзіць цэлы дзень, пакуль мінаюць людзі, якія спяшаюцца па сваіх справах.
• «Каўбасіць ды плюшчыць» (рэжысёр — Юры Стаюнічаў)
• «Toj zhto pryjdzie pasla» («Той, што прыйдзе пасьля»)
• «A ja lahu prylahu»

Літаратура

• Д.П. «GARADZKIJA» // Энцыклапедыя беларускай папулярнай музыкі (бел.) / уклад. Дз. Падбярэзскі і інш. — Мінск: Зміцер Колас, 2008. — С. 81–82. — 368 с. — 2 000 экз. — ISBN 978-985-6783-42-8.

Спасылкі

• Кліп «Як манэкен» на YOUTUBE.COM
• GARADzKIJA на Last.Fm
• GARADzKIJA дали серию концертов в Польше — артыкул на партале TUT.BY Архівавана 22 кастрычніка 2008.
• «Гарадзкі» чалавек — Pete Paff (інтэрвію з Паўлавым на generation.by)