Jann
Jann | |
---|---|
Асноўная інфармацыя | |
Поўнае імя | Ян Разманоўскі |
Дата нараджэння | 12 лютага 1999 |
Месца нараджэння | Люблін |
Краіна | Польшча |
Альма-матар | |
Музычная дзейнасць | |
Прафесіі | спявак, паэт-песеннік |
Гады актыўнасці | 2020 – ц.ч. |
Жанры | Поп-музыка, Альтэрнатыўны рок |
Псеўданімы | Jann |
Медыяфайлы на Вікісховішчы |
Jann, сапраўднае імя Ян Разманоўскі (нар. 12 лютага 1999, Люблін) — польскі спявак і аўтар тэкстаў, удзельнічаў у нацыянальным адборы Польшчы на Еўрабачанне 2023, дзе заняў 2 месца[1].
Біяграфія[правіць | правіць зыходнік]
Нарадзіўся ў Любліне і вырас у Гарволіне ў сям’і Эдыты і Яцэка Разманоўскіх[2]. Ён чацвёрты з васьмі братоў і сясцёр, у Яна ёсць дзве старэйшыя сястры (Антаніна і Амелія), старэйшы брат (Мацей) і два малодшыя браты (Францішак і Максіміліян) і малодшыя сёстры (Зузанна і Лена)[3]. У 2013 годзе сям’я прыняла ўдзел у першым выпуску рэаліці-шоу на тэлеканале Polsat «Nasz nowy dom»[4].
У 12 гадоў спяваў у Вялікім тэатры. На працягу трох гадоў ён наведваў музычную школу ў Гарволіне, якую не скончыў, паколькі ва ўзросце 16 гадоў пераехаў з бацькамі ў горад Ньюры ў Вялікабрытаніі, дзе працягнуў адукацыю ў Flynn Performing Arts School. Затым у 2018—2021 гадах вывучаў вакал у Лонданскім BIMM[5][6]. Зараз жыве ў Варшаве[7].
5 лістапада 2020 года спявак выпусціў свой дэбютны сінгл «Do You Wanna Come Over?»[8]. У 2022 годзе ён выпусціў свой дэбютны міні-альбом пад назвай Power[9]. Выступаў у жніўні 2022 на Off Festival, а ў верасні на Great September[10]. Таксама даў канцэрты ў Будапешце падчас BUSH2022 і ў Браціславе[11].
Еўрабачанне[правіць | правіць зыходнік]
26 лютага 2023 года з песняй «Gladiator» ён прыняў удзел у фінале нацыянальнага адбору Польшчы для Еўрабачання 2023 «Tu bije serce Europy! Wybieramy hit na Eurowizję!», дзе заняў 2 месца, саступіўшы спявачцы Blanka[12]. Пасля гэтага ў польскай медыя-прасторы ўчыніўся гучны скандал. Арганізатараў адбору абвінавачвалі ў карупцыі і ў змове супраць Яна. Гледачы паставілі яму найвышэйшы бал, у той час як Blanka не вельмі іх уразіла, але суддзі вывелі выканаўцу на першае месца сваімі ацэнкамі. У сацсетках распаўсюджваліся чуткі, што журы з дзяржаўнага канала TVP загадзя ведалі, каму аддадуць перамогу ў нацадборы «Еўрабачання-2023»[13]. У сеціве з’явіліся адразу некалькі петыцый з заклікамі адправіць на «Еўрабачанне-2023» Jann[14]. Пасля фіналу адбору на «Еўрабачанне» ён адыграў канцэрт у рамках Melfest WKND 2023 у Стакгольме і адправіўся ў свой першы сольны тур па Польшчы[15]. У маі 2023 года выступіў падчас Polsat SuperHit Festival 2023 у Сопаце[16], а ў чэрвені на Orange Warsaw Festival 2023 у дуэце з Джарэдам Лета і ўдзельнікамі гурта 30 Seconds to Mars[17].
Дыскаграфія[правіць | правіць зыходнік]
Міні-альбомы[правіць | правіць зыходнік]
Дата | Назва |
---|---|
25 сакавіка 2022 | Power |
Сінглы[правіць | правіць зыходнік]
Дата | Назва |
---|---|
2020 | Do You Wanna Come Over? |
2021 | One Missed Call
Body Temperature |
2022 | Smile
Promise Gladiator |
Зноскі[правіць | правіць зыходнік]
- ↑ Poland: Blanka to Eurovision 2023 .
- ↑ Był w "Naszym nowym domu", ma siódemkę rodzeństwa. Jann uchodzi za "czarnego konia" eliminacji do Eurowizji (польск.). plejadapl (20 лютага 2023). Праверана 4 сакавіка 2023.
- ↑ Polsatboxgo.pl - Najlepsze seriale, filmy i sport na żywo. polsatboxgo.pl [польская].
- ↑ Rodzina z Natalii i ich nowy dom (польск.). eGarwolin.pl (7 кастрычніка 2013).
- ↑ Jann prezentuje nowy utwór “One missed call” – Polska Płyta / Polska Muzyka (польск.) (25 мая 2021).
- ↑ Jann o Eurowizji, Maneskin i nieukończeniu szkoły muzycznej w Polsce! . Праверана 18 лютага 2023.
- ↑ Jann. Z Londynu do Warszawy, z muzyki klasycznej do popu – Czwórka – polskieradio.pl (польск.). polskieradio.pl. Праверана 15 лютага 2023.
- ↑ Jann – Do you wanna come over? .
- ↑ Jann – POWER EP – CD (польск.). sklep.fonobo.pl. Праверана 15 лютага 2023.
- ↑ OFF Festival Katowice (польск.). facebook.com. Праверана 15 лютага 2023.
- ↑ Jann (PL) (англ.)(недаступная спасылка). BUSH 2022. Архівавана з першакрыніцы 4 сакавіка 2023. Праверана 15 лютага 2023.
- ↑ = 🇵🇱 Poland: Blanka to Eurovision 2023 (англ.). Eurovoix (26 лютага 2023). Праверана 26 лютага 2023.
- ↑ Кто такой Jann. Певец из Польши влюбил в себя зрителей, проиграв отбор на «Евровидение-2023» .
- ↑ Петыцыя для адпраўкі Jann на Еўрабачанне 2023 .
- ↑ Jann rusza w trasę koncertową. Gdzie i kiedy zagra artysta? .
- ↑ "Gwiazda wieczoru". 24-latek zachwycił widzów Polsatu! .
- ↑ Jann i Zalewski na jednej scenie z Jaredem Leto! Fani OWF 2023 są zachwyceni .