Джарэд Лета

Джарэд Лета
Jared Leto
Джарэд Лета на Венецыянскім кінафестывалі ў 2009 годзе
Асноўная інфармацыя
Дата нараджэння	26 снежня 1971(1971-12-26)[…] (52 гады)
Месца нараджэння	Bossier City[d], Bossier Parish[d], Луізіяна, ЗША
Краіна	ЗША
Альма-матар	Emerson Preparatory School[d] Flint Hill School[d] The University of the Arts[d] Школа выяўленчых мастацтваў[d] McLean High School[d] Garden City Collegiate[d] Corcoran College of Art and Design[d]
Музычная дзейнасць
Прафесіі	тэлеакцёр, кінаакцёр, гітарыст, аўтар-выканаўца, фатограф, кінарэжысёр, акцёр агучвання, бізнесмен, акцёр, спявак, музычны прадзюсар, кінапрадзюсар, піяніст, мадэль, клавішнік, рэжысёр, мастак, кампазітар, вырабнік
Гады актыўнасці	1998—н.ч.
Пеўчы голас	тэнар
Інструменты	гітара, фартэпіяна, вакал, бас-гітара і клавішныя музычныя інструменты[d]
Жанры	Музыка: Альтэрнатыўны рок пост-гранж хард-рок Кінематограф: драма трылер
Псеўданімы	Bartholomew Cubbins Angakok Panipaq
Калектывы	30 Seconds to Mars
Супрацоўніцтва	Канье Уэст Брэндан Флаўэрс
Лэйблы	EMI Virgin Immortal
Грамадская дзейнасць
Член у	30 Seconds to Mars
Узнагароды	«Залаты глобус» (2014) Prince of Darkness на фестывалі «Fuse Fangoria Chainsaw Awards» таксама гл. Узнагароды
jaredleto.com
Медыяфайлы на Вікісховішчы
Цытаты ў Вікіцытатніку

Джа́рэд Джо́зеф Ле́та (англ.: Jared Joseph Leto; нар. 26 снежня 1971) — амерыканскі акцёр, франтмен альтэрнатыўнага гурта 30 Seconds to Mars. З’яўляецца рэжысёрам шматлікіх музычных кліпаў пад псеўданімам Bartholomew Cubbins (імя запазычана з кнігі Дактары Сьюза «The 500 Hats of Bartholomew Cubbins»). Намінант на прэмію «Оскар», уладальнік мноства ўзнагарод, у тым ліку «Залатога глобуса» і прэміі Гільдыі кінаакцёраў ЗША, за ролю транссексуала Рэяна ў драме «Даласкі клуб пакупнікоў» (2013).

Біяграфія

Дзяцінства і юнацтва

Нарадзіўся ў Босьер Сіці, штат Луізіяна. Сваёй цягай да мастацтва Джарэд абавязаны сваёй маці, Канстанс, якая ўсяляк заахвочвала Лета і яго брата Шэнана. Лета рос ініцыятыўным і ўпэўненым у сабе дзіцем. У 12 гадоў ён атрымаў першую працу мыйшчыкам посуду ў невялікай закусачнай у Вірджыніі, а ў 16 гадоў падзарабляў швейцарам. У раннія гады свайго жыцця Лета шмат падарожнічаў са сваёй сям’ёй, пражываючы ў такіх месцах як Гаіці і ў камуне ў Каларада. «Бацька маёй мамы быў у паветраных войсках», — тлумачыць Лета, — «таму качэўніцкі вобраз жыцця быў накшталт нормы». Да часу сканчэння школы Джарэд падаў свае дакументы ва Універсітэт мастацтваў у Філадэльфіі і быў прыняты. Ён спецыялізаваўся ў вобласці вывучэння мастацкіх майстэрстваў, у прыватнасці, жывапісу. Пазней Джарэд забраў дакументы і перавёўся ва Універсітэт выяўленчых мастацтваў у Нью-Ёрку. Яшчэ быўшы студэнтам, Лета напісаў сцэнарый і згуляў адну з галоўных роляў у сваім уласным фільме «Crying Joy».

Пачатак кар’еры

Ён пераехаў у Лос-Анджэлес з Нью-Ёрка ў 1992 годзе, каб стаць акцёрам. Лета ўжо меў некаторы досвед у акцёрскай кар’еры, але па-сапраўднаму яркай і запамінальнай стала роля Джордана Каталана ў недоўгачасовым серыяле «Маё так званае Жыццё» (дзе ён гуляў разам з Клер Дэйнс). Увасабляючы аб’ект жаданняў і любоўнай самоты гераіні Клер Дэйнс, Джарэд Лета атрымліваў асалоду ад папулярнасці, якая дазволіла яму зрабіць сабе імя, якое пасля (як заўсёды бывае ў Галівудзе) стала брэндам для рэжысёраў. У 1996 і 1997 гадах Лета ўваходзіў у спіс «50 самых прыгожых людзей свету» часопіса People. Калі серыял быў адменены, ён пачаў здымацца ў фільмах.

Вядомасць

Пасля здымак з Алісіяй Сільверстоўн у 1994 годзе ў незалежным кіно «Стромыя і кранутыя» (The cool & the crazy), першая роля на вялікім экране была ў фільме «Лапікавая коўдра» (1995) з Вайнонай Райдэр. Далей былі працы ў фільмах Summer Fling (1996), у якім ён гуляў адну з галоўных роляў з Крысцінай Рычы, затым у SwitchBack (1997) дзе ён гуляў з Дэні Гловерам і Дэнісам Куэйдам. У тым жа годзе Лета гуляе ролю, якая прызначалася першапачаткова Тому Крузу ў фільме «Прэфантэйн» (Prefontaine), гісторыя жыцця легендарнага бягуна Стыва Прэфантэйна. Год 1998 быў паспяховым для Джарэда, які з’явіўся ў фільме Тэрэнса Маліка «Тонкая чырвоная лінія» як частка магутнага акцёрскага складу, уключаючы Ніка Нолці, Джорджа Клуні і Шона Пэна. Акрамя таго, ён згуляў галоўную ролю ў «Гарадскіх легендах» (Urban Legend), адной з найбольш паспяховых экранізацый жанру жаху. Аднак Лета знайшоў свой камень перапоны ў драме «Бэзіл» (Basil), партнёрамі па фільме сталі Крысціян Слейтэр і Клер Фарлані. Гэты промах, здавалася, не моцна закрануў акцёра, імя якога ўжо фігуравала ў мностве высакакласых праектаў.

Цяперашні час

Джарэд вярнуўся на вялікі экран у 1999 годзе з працамі ў «Байцоўскім клубе» і «Перапыненае жыццё». 2000 год для Джарэда стаў годам псіхалагічных трылераў — «Амерыканскі псіхапат» і «Рэквіем па мары». Хоць у першым фільме, Лета быў зацверджаны на ролю другога плану, то ў «Рэквіеме…» яму дасталася галоўная роля. Гуляючы маладога Бруклінскага хлопца, які змагаецца з прыхільнасцю да гераіну, Лета меў магчымасць гуляць у адным складзе з легендарнай Элен Берсцін, а таксама з будучым лаўрэатам прэміі «Оскар» Джэніфер Конелі. Джарэд быў як раз да месца ў двух найбольш вядомых фільмах рэжысёра Дэвіда Фінчэра: у нашумелым «Байцоўскім клубе» і «Пакою страху» (2002), дзе ён гуляў самога балбатлівага і нязграбнага з трох рабаўнікоў, якія тэрарызавалі Джодзі Фостэр. У яго апошнія праекты ўвайшлі эпапея Олівера Стоўна «Аляксандр», міжнародны трылер «Зброевы барон» і фільм «Раздзел 27», які распавядае пра забойцу Джона Ленана — Марка Чэпмена.

Джарэд Лета таксама з’яўляецца вакалістам альтэрнатыўнага рок-гурта 30 Seconds to Mars, заснаванага ім і яго братам Шэнанам у 1998 годзе. На дадзены момант у гурце 3 пастаянных удзельніка. Акрамя Джарэда, які таксама з’яўляецца аўтарам песень і музыкі і грае на гітары, і Шэнана, які з’яўляецца барабаншчыкам, у склад групы ўваходзіць Тома Мілічавіч (гітара). Іх першы альбом быў запісаны ў 2002 годзе і названы імем гурта. Другі альбом, A Beautiful Lie, выйшаў у 2005 годзе. На дадзены момант гурт выступае з канцэртамі ў ЗША ў рамках свайго першага хэдлайн-тура.

Фільмаграфія

Год		Беларуская назва	Арыгінальная назва	Роля
1994	тф	Крутыя і дурнаватыя	Cool and the crazy	Майкл
1995	ф	Лапікавая коўдра	How to Make an American Quilt	Бек
1996	ф	Апошні з вялікіх каралёў	The Last of the High Kings	Фрэнкі Грыфін
1997	ф	Прэфантэйн	Prefontaine	Стывен Прэфантэйн
1997	ф	Амерыканскія горкі	Switchback	Лен Дыксан
1998	ф	Бэзіл	Basil	Бэзіл
1998	ф	Гарадскія легенды	Urban Legend	Пол
1998	ф	Тонкая чырвоная лінія	The Thin Red Line	другі лейтэнант Уайт
1999	ф	Чорнае і белае	Black and White	Кейсі
1999	ф	Байцоўскі клуб	Fight Club	«Анёльскі тварык»
1999	ф	Перапыненае жыццё	Girl, Interrupted	Тобіяс «Тобі» Джэкабс
2000	ф	Амерыканскі псіхапат	American Psycho	Пол Ален
2000	ф	Секс, наркотыкі і Сансет Стрып	Sunset Strip	Глен Уолкер
2000	ф	Рэквіем па мары	Requiem for a Dream	Гэры Голдфарб
2001	ф	Каханне ўсё змяняе	Sol Goode	Rock Star Wannabe; прадзюсар
2002	ф	Шаша	Highway	Джэк Хейс
2002	ф	Пакой страху	Panic Room	Джуніяр
2003	ф	Тэлефонная будка	Phone Booth	Камеа
2004	ф	Аляксандр	Alexander	Гефестыён
2005	ф	Зброевы барон	Lord of War	Віталь Арлоў
2006	ф	Самотныя сэрцы	Lonely Hearts	Райман Фернандэз
2007	ф	Глава 27	Chapter 27	Марк Чэпмен
2009	ф	Спадар Ніхто	Mr. Nobody	Няма
2013	ф	Даласкі клуб пакупнікоў	The Dallas Buyer's Club	Рэян
2016	ф	Атрад самагубцаў	Suicide Squad	Джокер
2017	ф	Бягун па лязе 2049	Blade Runner 2049	Ніяндэр Уолес
2022	ф	Морбіус	Morbius	Майкл Морбіус

Тэлебачанне

Год		Беларуская назва	Арыгінальная назва	Роля
1992	с	Лагер Уайлдэр	Camp Wilder	Дэкстэр
1993	с	The Torkelsons	The Torkelsons / Almost Home	Рык Аікен
1994—1995	с	Маё так званае жыццё	My So-Called Life	Джордан Каталана
2006	дак	Армянскі генацыд (ТБ)	The Armenian Genocide	Агучка
2011	дак	Артэфакт	Artifact	Пост-прадакшн

Прадзюсаванне

Год	Фільм	Арыгінальная назва	Заўвагі
2001	Каханне ўсё змяняе	Sol Goode	Са-прадзюсар
2007	Глава 27	Chapter 27	Выканаўчы прадзюсар
2011	Артэфакт	Artifact	Пост-прадакшн

Дыскаграфія

Асноўны артыкул: Дыскаграфія 30 Seconds to Mars

Альбомы

• 2002 — 30 Seconds to Mars
• 2005 — A Beautiful Lie
• 2009 — This Is War
• 2013 — Love Lust Faith + Dreams
• 2018 — America

Міні-альбомы

• 2002 — Acoustic Live Radio Show
• 2007 — AOL Sessions Undercover
• 2008 — To the Edge of the Earth

Спасылкі

• На Вікісховішчы ёсць медыяфайлы па тэме Джарэд Лета
• Афіцыйны сайт Джарэда Лета (англ.)