Капялюшыкі Mycena interrupta вагаюцца ад 0,8 да 2 см, і маюць бліскучы блакітны колер. Калі з’яўляюцца, яны шарападобныя, а па меры паспявання набываюць шырокую выпуклую форму са злёгку ўціснутым цэнтрам капялюшыка. Капялюшыкічаста ліпкія і выглядаюць слізістымі, асабліва ў вільготнае надвор’е.
Звычайна ножка вагаецца ад 1 да 2 см даўжыні і 0,1-0,2 см таўшчынёй. Яна белая і гладкая, а аснова ножкі прымацавана да драўнянага субстрата плоскім белым дыскам, падобным на Roridomyces austrororidus, які, у адрозненне ад M. interrupta, прымацаваны да драўнянага субстрата масай тонкіх валасінак.
Пласцінкі белыя і прылягаюць, з блакітнымі палямі. Споры белыя, гладкія і эліпсоідныя, і маюць памеры 7-10×4-6 мкм .
У адрозненне ад некаторых іншых відаў Mycena, Mycena interrupta не біялюмінесцэнтная[4].
