Беларуская федэрацыя шахмат
| Грамадскае аб’яднанне «Беларуская федэрацыя шахмат» | |
|---|---|
| БФШ | |
| Дата заснавання | 1992 |
| Тып | спартыўная федэрацыя[d] |
| Колькасць удзельнікаў | каля 3 тыс. |
| Старшыня | Анастасія Віктараўна Сарокіна |
 , Мінск, прасп. Незалежнасці, д. 43 |
|
Грамадскае аб’яднанне «Беларуская федэрацыя шахмат» (БФШ) — арганізацыя, што займаецца правядзеннем на тэрыторыі Беларусі спаборніцтваў па шахматах, папулярызацыяй шахматнага спорту. Заснавана ў 1992 г. на грунце федэрацыі шахмат БССР; сябра Міжнароднай федэрацыі шахмат (ФІДЭ). БФШ і яе аддзяленні ў абласцях Беларусі арганізуюць шэраг рэгіянальных, нацыянальных і міжнародных турніраў, у т. л. Чэмпіянаты Беларусі па шахматах.
У ліпені 2018 г. рашэннем выканкама БФШ з членаў арганізацыі быў выключаны Уладзіслаў Каташук, вядомы трэнер з Брэста, які задаваў федэрацыі нязручныя пытанні пра развіццё шахмат у краіне, фінансавы бок удзелу ў міжнародных турнірах і інш.[1][2] Гэтае выключэнне шахматысты і трэнеры Беларусі крытыкавалі як па форме, так і па сутнасці[3][4], аднак рашэнне выканкама БФШ зменена не было.
У кастрычніку 2018 г. на кангрэсе ФІДЭ ў Батумі Беларусь, па ініцыятыве БФШ, атрымала права правесці ў жніўні 2022 г. Сусветную шахматную алімпіяду і кангрэс ФІДЭ, жаночы Кубак свету ў 2020 г. і мужчынскі Кубак свету ў 2021 г.[5].
Кіраўнікі
- 2002 — 2009: Канстанцін Іваноў
- 2009 — 19 мая 2017: Леанід Чуро
- 19 мая 2017 — наш час: Анастасія Сарокіна
Зноскі
- ↑ https://www.openchess.by/news/1934.html
- ↑ Иван Сапега. Тренер задал неудобные вопросы – вместо ответа его исключили из федерации. Странная ситуация в белорусских шахматах (руск.). Tribuna.com (20 жніўня 2018). Праверана 4 жніўня 2019.
- ↑ https://belisrael.info/?p=16268
- ↑ https://belisrael.info/?p=16351
- ↑ Разное. Беларусь и ФИДЕ подписали контракт на проведение Всемирной шазматной олимпиады-2022 в Минске (руск.). Прессбол (29 студзеня 2019). Праверана 4 жніўня 2019.