Станіслаў Кішка (біскуп жамойцкі)

Станіслаў Кішка
Герб «Дуброва»
Біскуп жамойцкі 1618 — 1626
Папярэднік	Мікалай Пац
Пераемнік	Абрагам Война
Нараджэнне	каля 1577
Смерць	17 лютага 1626(1626-02-17) Варней, Жамойцкае староства, Вялікае Княства Літоўскае, Рэч Паспалітая
Род	Кішкі
Бацька	Станіслаў Кішка
Маці	Альжбета Сапега
Жонка	Соф'я Канстанцыя Зяновіч
Дзеці	няма
Веравызнанне	Каталіцкая Царква
Дзейнасць	каталіцкі святар, каталіцкі біскуп

Станіслаў Кішка (каля 1577 — 17 лютага 1626) — рэлігійны дзеяч Вялікага Княства Літоўскага.

Нарадзіўся ў пратэстанцкай сям'і. У маладосці ажаніўся з Соф'яй Канстанцыяй Зяновіч, дачкой берасцейскага ваяводы Крыштафа Зяновіча, які таксама падтрымліваў рэфармацыю. Аднак каля 1608 года Станіслаў развёўся з жонкай (яна потым паўторна выйшла за Аляксандра Слушку), перайшоў у каталіцтва і стаў манахам.

Вялікі рэферэндар літоўскі з 1615, біскуп жамойцкі з 1618. Дзеяч контррэфармацыі (у ліку вернутых ім у каталіцтва быў і яго глуханямы ад нараджэння бацька).

Яго братам быў вялікі літоўскі гетман Януш Кішка.

Крыніцы

• Думін С. Кішкі // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — С. 101. — 792 с. — ISBN 985-11-0378-0 (т. 2), ISBN 985-11-0315-2.

Спасылкі

• Генеалогія Кішкаў