Іван Піліпавіч Акімачкін
| Акімачкін Іван Піліпавіч | |
|---|---|
| Акимочкин Иван Филиппович | |
| Дата нараджэння | 1910 |
| Месца нараджэння | в. Крутое, Людзінаўскі раён, Калужская вобласць, Расійская імперыя |
| Дата смерці | 4 ліпеня 1941 |
| Месца смерці | |
| Альма-матар | Калінкавіцкае пяхотнае вучылішча |
| Прыналежнасць | СССР |
| Род войскаў | артылерыя |
| Гады службы | 1931 - 1941 |
| Званне | лейтэнант |
| Камандаваў | 98-м асобным супрацьтанкавым артылерыйскім дывізіёнам 6-й стралковай дывізіі |
| Бітвы/войны |
Другая сусветная вайна Абарона Брэсцкай крэпасці |
Іван Піліпавіч Акімачкін (руск.: Иван Филиппович Акимочкин; 1910 — 4 ліпеня 1941, Брэст) — савецкі афіцэр, лейтэнант, начальнік штаба 98-га асобнага супрацьтанкавага артылерыйскага дывізіёна 6-й стралковай дывізіі. Удзельнік і адзін з кіраўнікоў абароны Брэсцкай крэпасці ў чэрвені-ліпені 1941 года. Узнагароджаны Ордэнам Айчыннай вайны I ступені пасмяротна.
Біяграфія[правіць | правіць зыходнік]
Нарадзіўся ў вёсцы Крутое Людзінаўскага раёна Калужскай вобласці ў 1910 годзе. Закончыў Калінкавіцкае пяхотнае вучылішча. Прызваны ў Рабоча-сялянскую Чырвоную армію ў 1931 годзе Людзінаўскім раённым ваенным камісарыятам. На пачатак Вялікай Айчыннай вайны лейтэнант, начальнік штаба 98-га асобнага супрацьтанкавага артылерыйскага дывізіёна 6-й стралковай дывізіі, які размяшчаўся ў казематах Усходняга валу Кобрынскага ўмацавання Брэсцкай крэпасці.
Абарона Брэсцкай крэпасці[правіць | правіць зыходнік]
Падчас абароны Брэсцкай крэпасці разам з намеснікам камандзіра дывізіёна старшым палітруком Мікалаем Васільевічам Несцерчуком кіравалі групай артылерыстаў. Па іх загадзе артылерысты арганізавалі абарончыя пазіцыі, усталявалі ацалелыя гарматы і кулямёты, наладзілі дастаўку боепрыпасаў і амаль два тыдні трымалі абарону. 4 ліпеня 1941 года пасля артылерыйскага абстрэлу і бамбёжкі з паветра, абарона была прарваная, цяжкапаранены Акімачкін трапіў у палон і быў расстраляны. Такі ж лёс напаткаў у акупаваным Брэсце яго шасцігадовага сына Вову, чатырохгадовую дачку Аню і маці жонкі Еўдакію Восіпаўну. У 1942 годзе яны былі расстраляныя нямецкай акупацыйнай уладай.
Памяць[правіць | правіць зыходнік]
- Узнагароджаны Ордэнам Айчыннай вайны I ступені (1965, пасмяротна).
- У роднай вёсцы Крутое ўсталяваны абеліск (1967)[1].
- Імя Акімачкіна ўшанавана на пліце мемарыяла Брэсцкая крэпасць-герой (шэраг 2, пліта 2)[2].
- Імем лейтэнанта Акімачкіна названа вуліца ў Брэсце, там устаноўлена мемарыяльная дошка.
Зноскі[правіць | правіць зыходнік]
- ↑ Обелиск защитнику Брестской крепости Акимочкину. Деревня Крутое
- ↑ Участники обороны, имена которых увековечены на мемориальных плитах
Літаратура[правіць | правіць зыходнік]
- Брест. Брэст. Brest. 1000 / саст. А.М. Вабішчэвіч. - Мінск : Беларуская Энцыклапедыя імя Петруся Броўкі, 2019. - с. 28.