Ігар Мікалаевіч Кісель

Ігар Мікалаевіч Кісель
старшыня Бабруйскага гарадскога выканаўчага камітэта[d] з 3 кастрычніка 2022
Папярэднік	Аляксандр Віктаравіч Студнеў
Дэпутат Магілёўскага абласнога Савета дэпутатаў[d] з 2018
Нараджэнне	25 верасня 1974(1974-09-25) (48 гадоў) Лабанаўка, Лабанаўскі сельсавет, Чэрыкаўскі раён, Магілёўская вобласць, БССР, СССР
Адукацыя	БНТУ Акадэмія кіравання пры Прэзідэнце Рэспублікі Беларусь
Дзейнасць	дзяржаўны служачы
Месца працы	Бабруйскі раённы выканаўчы камітэт[d] Кіраўніцтва справамі Прэзідэнта Рэспублікі Беларусь Бабруйскі гарадскі выканаўчы камітэт[d]

Ігар Мікалаевіч Кісель (нар. 25 верасня 1974, в. Лабанаўка, Чэрыкаўскі раён) — беларускі дзяржаўны дзеяч.

Біяграфія

Нарадзіўся 25 верасня 1974 года ў вёсцы Лабанаўка Чэрыкаўскага раёна. Скончыў Беларускую дзяржаўную політэхнічную акадэмію па спецыяльнасці «прамысловае і грамадзянскае будаўніцтва», Акадэмію кіравання пры Прэзідэнце па спецыяльнасці «дзяржаўнае і мясцовае кіраванне». Працоўны шлях пачынаў з пасады інжынера-будаўніка. З 1996 па 2014 гады працаваў у Бабруйскім райвыканкаме: інжынер-будаўнік, галоўны інжынер упраўлення капітальнага будаўніцтва, начальнік аддзела архітэктуры і будаўніцтва, намеснік старшыні райвыканкама. У 2015 годзе займаў пасаду начальніка РУП «Галоўнае ўпраўленне капітальнага будаўніцтва» Кіраўніцтва справамі Прэзідэнта Рэспублікі Беларусь, у тым жа годзе быў прызначаны намеснікам старшыні Бабруйскага гарвыканкама. Дэпутат Магілёўскага абласнога Савета дэпутатаў 28-га склікання ад Ленінскай акругі № 6. Са студзеня 2019 года займаў пасаду першага намесніка старшыні гарвыканкама. 3 кастрычніка 2022 года прызначаны старшынёй Бабруйскага гарвыканкама.