Ілья Барысавіч Заводнік

Ілья Барысавіч Заводнік
Дата нараджэння	23 чэрвеня 1956(1956-06-23) (67 гадоў)
Месца нараджэння	Гродна, Гродзенская вобласць, БССР, СССР
Грамадзянства	Беларусь
Род дзейнасці	навуковец, выкладчык універсітэта
Месца працы	Гродзенскі дзяржаўны ўніверсітэт імя Янкі Купалы Інстытут біяхіміі біялагічна актыўных злучэнняў НАН Беларусі
Навуковая ступень	доктар біялагічных навук
Навуковае званне	прафесар
Альма-матар	Гродзенскі педагагічны інстытут імя Янкі Купалы (1977)

Ілья Барысавіч Заводнік (нар. 23 чэрвеня 1956, Гродна ) — беларускі вучоны ў галіне біяфізікі. Доктар біялагічных навук, прафесар.

Біяграфія

У 1977 года з адзнакай скончыў Гродзенскі дзяржаўны педагагічны інстытут імя Янкі Купалы. Пасля стажыроўкі ў Інстытуце біяфізікі АН СССР у г. Пушчына (1977—1978) па цяперашні час працуе ў Інстытуце біяхіміі біялагічна актыўных злучэнняў НАН Беларусіна пасадах малодшага, старэйшага, галоўнага навуковага супрацоўніка, загадчыка лабараторыі біяхіміі мембран.

У 1981—1984 гадах прайшоў навучанне ў аспірантуры Інстытута біяхіміі АН БССР. У 1991 годзе прысвоена званне старэйшага навуковага супрацоўніка. У 1997 годзе абараніў дысертацыю «Механізмы пашкоджанняў эрытрацытаў» на атрыманне вучонай ступені доктара біялагічных навук па спецыяльнасці — біяфізіка. У 2006 годзе абраны на пасаду загадчыка кафедры біяхіміі Гродзенскага дзяржаўнага ўніверсітэта імя Янкі Купалы. Супрацоўнічае з Інстытутам біяфізікі Універсітэта г. Лодзь (Польшча), дзе працаваў на пасадзе ад’юнкта прафесара ў 1994—1995 гадах, і Аддзелам парушэнняў гемастазу Медыцынскага Універсітэта г. Лодзь.