Індэкс масы цела

З пляцоўкі Вікіпедыя
Jump to navigation Jump to search

Індэкс масы цела (ІМЦ) — паказнік суадносін вагі ў кілаграмах да росту ў метрах, узведзенага ў квадрат.

Разлічваецца паводле формулы: маса цела (кг) / рост (м)². Сусветная арганізацыя аховы здароўя (Жэнева, Швейцарыя) выкарыстоўвае паказнік для вызначэння стану арганізма, дзе значэнне:

  • менш за 18,5 кг/м² — нястача масы цела (недаяданне);
  • 18,5—25 кг/м² — здаровая маса цела;
  • 25—30 кг/м² — залішняя маса цела (гіпертанія);
  • 30—35 кг/м² — атлусценне 1-й ступені;
  • 35—40 кг/м² — атлусценне 2-й ступені;
  • звыш 40 кг/м² — атлусценне 3-й ступені[1].

Перавышэнне значэння 25 кг/м² служыць прычынай атэрасклероза, гіпертаніі, цукровага дыябету, хвароб печані і плоцевых органаў[2]. Перавышэнне значэння 30 кг/м² пагражае захворваннем на цукровы дыябет 2-га тыпу, рак і сардэчна-судзінныя парушэнні[1]. У ліпені 1972 года 5 ўрачоў на чале з Анселем Кізам выдалі ў амерыканскім «Часопісе хранічных хваробаю» (Філадэльфія, штат Пенсільванія) артыкул «Паказнікі адноснай вагі і атлусцення», у якім упершыню ўвялі панятак індэкса масы цела і яго азначэнне[3].

Прыклады[правіць | правіць зыходнік]

Здаровая маса цела паводле паказніка 18,5—25 кг/м² адрозніваецца ў залежнасці ад роста:

  • пры росце 1,5 метры вага мае складаць 41,6—56,2 кг;
  • пры 1,6 метры — 47,3—64 кг;
  • пры 1,7 метры — 53,4—72,2 кг;
  • пры 1,8 метры — 59,9—81 кг;
  • пры 1,9 метры — 66,7—90,2 кг;
  • пры 2 метрах — 74—100 кг.

Беларусь[правіць | правіць зыходнік]

На 2014 год 2/3 насельніцтва Беларусі мелі ІМЦ звыш 25 кг/м², то бок залішнюю вагу[4].

Зноскі

  1. 1,0 1,1 Вольга Стужынская. Ці заўсёды атлусценне — цукровы дыябет , Партал «Здаровыя людзі» (Міністэрства аховы здароўя Рэспублікі Беларусь) (14 лістапада 2017). Праверана 16 лістапада 2017.
  2. В. Нарывончык. Правільнае збалансаванае харчаванне ў спалучэнні з фізічнымі нагрузкамі — асноўныя ўмовы падтрымання нармальнай масы цела , Газета «Патрыёт» (Ушачы) (28 кастрычніка 2014). Праверана 16 лістапада 2017.
  3. Ансел Кіз, Фламініа Фіданца, Марці Карванен, Набору Кімура і Генры Тэйлар. Паказнікі адноснай вагі і атлусцення (англ.)  = Indices of relative weight and obesity // Часопіс хранічных хвароб. — ліпень 1972. — Т. 25. — № 6-7. — С. 329-343. — ISSN 0895-4356.
  4. Вольга Чарныш. Худыя гаманцы, тоўстыя жываты , Анлайн-часопіс «Ідэя» (2 верасня 2014). Праверана 16 лістапада 2017.

Спасылкі[правіць | правіць зыходнік]