Інстытут рэгіянальных даследаванняў НАН Украіны
| Інстытут рэгіянальных даследаванняў Нацыянальнай акадэміі навук Украіны (ІРД НАНУ) | |
|---|---|
 | |
| Міжнародная назва | Institute of Regional Research National Academy of Science of Ukraine |
| Дата заснавання | 1994 |
| Дырэктар | Васіль Сцяпанавіч Краўцоў |
| Юрыдычны адрас |
 Украіна, 79026 Львоў,вул. Казельніцкая, 4 |
| Сайт | ird.gov.ua |
Інстытут рэгіянальных даследаванняў НАН Украіны — навукова-даследчы інстытут у сістэме Нацыянальнай акадэміі навук Украіны.
З'яўляецца галаўной навуковай установай Украіны па праблемах рэгіянальнай палітыкі і трансгранічнага супрацоўніцтва.Утвораны ў 1994 годзе на базе Львоўскага аддзялення Інстытута эканомікі НАН Украіны, якое было заснавана ў 1964 годзе.
Інстытут ўзначальвае акадэмік НАН Украіны Васіль Сцяпанавіч Краўцоў, доктар эканамічных навук, прафесар.
Структура[правіць | правіць зыходнік]
- Аддзел рэгіянальнай эканамічнай палітыкі
- Аддзел рэгіянальнай экалагічнай палітыкі і прыродакарыстання
- Аддзел сацыяльна-гуманітарнага развіцця рэгіёну
- Аддзел рэгіянальнай фінансавай палітыкі
- Аддзел развіцця тэрытарыяльных супольнасцей і трансгранічнага супрацоўніцтва
- Аддзел развіцця вытворчай сферы рэгіёну і інвестыцый
- Сектар праблем трансгранічнага супрацоўніцтва
- Сектар прасторавага развіцця
У Інстытуце працуе больш за 130 работнікаў. Сярод амаль 80 навуковых работнікаў дактароў навук – 18, кандыдатаў навук – 42. Сярэдні ўзрост дактароў навук – 54 года, кандыдатаў навук – 42 гады, навуковых работнікаў – 44 гады.
Даследаванні[правіць | правіць зыходнік]
У Інстытуце праводзяцца фундаментальныя і прыкладныя даследаванні: праблемы фарміравання рэгіянальнай палітыкі, сістэм кіравання і эколага-эканамічнага рэгулявання развіцця рэгіенаў, рацыянальнага выкарыстання вытворчага, працоўнага, прыродна-рэсурснага і інтэлектуальнага патэнцыялу рэгіёнаў, рынкавай інфраструктуры і прадпрымальніцтва, знешнеэканамічнай дзейнасці і трансгранічнага супрацоўніцтва, рэгіянальнай статыстыкі і інш.
Інстытут ажыццяўляе падрыхтоўку праектаў праграм сацыяльна-эканамічнага развіцця розных тэрытарыяльных адзінак, прадпрыемстваў і арганізацый, распрацоўку методык, праектаў заканадаўчых і нарматыўных актаў, навуковыя экспертызы, арганізацыю нарад, семінараў, канферэнцый, дае кансультацыі па ўсіх напрамках сваёй навуковай дзейнасці.
Інстытут выконвае функцыі метадалагічнага, навукова-арганізацыйнага і каардынацыйнага цэнтра, з'яўляецца заснавальнікам і выдаўцом навукова-практычнага часопіса "Рэгіянальная эканоміка".