Іозеф Готліб Кёльройтэр

Іозеф Готліб Кёльройтэр
ням.: Joseph Gottlieb Kölreuter
Дата нараджэння	27 красавіка 1733(1733-04-27)[…]
Месца нараджэння	Зульц-на-Некары, раён Ротвайль[d], адміністрацыйная акруга Фрайбург, Бадэн-Вюртэмберг
Дата смерці	11 лістапада 1806(1806-11-11) (73 гады)
Месца смерці	Карлсруэ
Грамадзянства	Свяшчэнная Рымская імперыя
Род дзейнасці	батанік, генетык, натураліст, заолаг
Навуковая сфера	батаніка
Месца працы	Пецярбургская акадэмія навук
Альма-матар	Цюбінгенскі ўніверсітэт
Член у	Расійская акадэмія навук
Медыяфайлы на Вікісховішчы

Сістэматык жывой прыроды
Аўтар найменняў шэрага батанічных таксонаў. У батанічнай (бінарнай) наменклатуры гэтыя назвы дапаўняюцца скарачэннем «Kölr.». Спіс такіх таксонаў на сайце IPNI

Іозеф Готліб Кёльройтэр (ням.: Joseph Gottlieb Kölreuter; 27 красавіка 1733 - 11 лістапада 1806) — нямецкі батанік.

Кёльройтэр ў 1748 годзе паступіў у Цюбінгенскі ўніверсітэт, дзе вывучаў медыцыну і натуральныя навукі. Падчас навучання зблізіўся з Іаганам Георгам Гмелінам, вядомым даследчыкам Сібіры, прафесарам медыцыны і батанікі ў Цюбінгене. У 1753 годзе пераехаў у Страсбургскі ўніверсітэт, а праз год вярнуўся ў Цюбінген, дзе 1755, абараніў дысертацыю «De insectis coleopteris nec non de plantis quibusdam rarioribus».

Па рэкамендацыі свайго настаўніка і сябра Іагана Гмеліна быў выкліканы ў Пецярбург і ў 1756 вызначаны ад'юнктам батанікі ў Акадэмію навук. У 1756-1760 гадах правёў першыя вопыты па штучнай гібрыдызацыі раслін, вынікі 136 вопытаў былі апублікаваныя.

Пакінуў акадэмію ў 1761 годзе; памёр у Карлсруэ.

Акрамя дысертацыі, апублікаваў некалькі артыкулаў заалагічнага і батанічнага ўтрымання ў "Новых каментарыях" Акадэміі (т. VII-XIX), у «Nova Acta» і «Mémoires», якія пазначаны ў Richter's «Geschichte der Medicin in Russland» (т. III, стар 469 і сл.); «Vorläufige Nachricht von einigen das Geschlecht der Pflanzen betreffenden Versuchen» (Лейпцыг, 1761-1766 (ням.)).

Кёльройтэр першым указаў на ролю насякомых пры апыленні кветак.

Імем Кёльройтэра Эрык Лаксман ў 1772 годзе назваў род дрэў - Кёльройтэрыя (Koelreuteria Laxm.)

Літаратура

• Іозеф Готліб Кёльройтэр // БЭ ў 18 тамах., Т.8. Мн., 1999, С.243-244