Іфэ
| Горад | |
| Іфэ | |
|---|---|
| Ife | |
 | |
| 7°28′36″ пн. ш. 32°00′54,70″ у. д.HGЯO | |
| Краіна |
 Нігерыя |
| Гісторыя і геаграфія | |
| Плошча | 373 км² |
| Вышыня цэнтра | 426 м |
| Часавы пояс | UTC+1, летам UTC+2 |
| Насельніцтва | |
| Насельніцтва | 133000 чалавек (2023) |
|
|
|
| [[https://www.osunstate.gov.ng/ile-ife/ 1] [https://www.osunstate.gov.ng/ile-ife/ 1]] (англ.) | |
| Паказаць/схаваць карты | |
  Іфэ |
|
Іфэ (англ.: Ife, ёруба: Ilé-Ifẹ̀) — горад на поўдні Нігерыі. Насельніцтва (2023 г.) — 133 000 чалавек.
Геаграфія
[правіць | правіць зыходнік]Іфэ месціцца ў зоне трапічных саван на пагорыстай мясцовасці. Найбольшая вышыня — 426 м. Характэрна чарагаванне 2 асноўных сезонаў. Сухі цягнецца з лістапада да сакавіка. Вільготны — з красавіка да кастрычніка. У сакавіку дзённая тэмпература часцяком перавышае +40°C.
Гісторыя
[правіць | правіць зыходнік]Згодна міфалогіі ёруба, Іфэ — адно з найстаражытнейшых месцаў, заснаванае богам-манархам Адудувам. Першыя паселішчы на месцы Іфэ ўзніклі ў 1 тысячагоддзі да н. э., але некалькі разоў пакідаліся насельнікамі. Лічыцца, што сучасны горад бярэ пачатак ад паселішча, заснаванага ў сярэдзіне 1 тысячагоддзя н. э. Яно з'яўлялася важным металургічным цэнтрам, дзе здабывалася і апрацоўвалася жалеза. У перыяд высокага сярэднявечча вакол яго былі ўзведзены муры.
Росквіт Іфэ адбыўся ў XIII — XV стст., калі ён стаў палітычным цэнтрам буйной дзяржавы на чале манархаў аоні, што лічылі сябе нашчадкамі Адудавы. Іфэ ўзгадваўся арабскімі і еўрапейскімі географамі як важны гандлёвы цэнтр. Ён меў два ланцугі муроў, брукаваныя вуліцы, фундамент будынкаў вырабляўся з абпаленай цэглы. Культура гэтага перыяду знакаміта вырабам дэталізаваных тэракотавых скульптур. Заняпад адбыўся каля 1420 г., магчыма з-за эпідэміі.
У пазнейшыя перыяды функцыянаваў як горад-дзяржава, залежны ад болей магутных суседніх дзяржаў. З 1960 г. у складзе незалежнай Нігерыі. Захавалася фармальнае кіраванне манархаў аоні.
Эканоміка
[правіць | правіць зыходнік]Асноўныя галіны эканомікі — гандаль і сфера абслугоўвання. Іфэ — важны культурны цэнтр, дзе працуюць некалькі музеяў і ўніверсітэтаў.
Насельніцтва
[правіць | правіць зыходнік]
| ||||||
Гарады-пабрацімы
[правіць | правіць зыходнік]
Рыа-дэ-Жанэйра, Бразілія (13 студзеня 2022)[1]
Сан-Бернардына, ЗША
.svg){kind=small}