Авенір Вайнштэйн
Авенір Вайнштэйн | |
---|---|
Дата нараджэння | 8 ліпеня 1934 |
Месца нараджэння | |
Дата смерці | 10 чэрвеня 2018 (83 гады) |
Месца смерці | |
Альма-матар | |
Музычная дзейнасць | |
Прафесіі | музыкант, джазмен, журналіст, кларнетыст, барабаншчык, кампазітар, аранжыроўшчык, фатограф, фотакарэспандэнт |
Інструменты | кларнет і барабан |
Цытаты ў Вікіцытатніку |
Авенір Вайнштэйн (8 ліпеня 1934, Харкаў — 10 чэрвеня 2018, Кіль) — беларускі журналіст і джазмен.
Біяграфія[правіць | правіць зыходнік]
У 1947 годзе паступіў у маскоўскую школу ваенна-музыканцкіх выхаванцаў па класе кларнета[1]. У 1948—1950 гадах як бубнач і фанфарыст браў удзел у парадах на Краснай плошчы[1]. Скончыў Калінінградскае абласное музычнае вучылішча і інстытут імя Гнесіных у Маскве па класе кларнета.
У 1950-я гады прыехаў працаваць у Мінск, у аркестр Дзяржаўнага ансамбля танца БССР[1]. У 1960-я гады стварыў першы ў краіне «Беларускі дыксіленд», з якім аб’ездзіў увесь СССР. Таксама шмат выступаў як саліст-кларнетыст[2].
Як журналіст Вайнштэйн пачаў працаваць у 1955 годзе. Актыўна публікаваўся ў беларускіх газетах. З 1967 года на пастаяннай аснове супрацоўнічаў з газетай «Вячэрні Мінск», друкаваўся ў газеце «Знамя юности» і «Советская Белоруссия», а таксама вёў музычныя праграмы на Беларускім радыё[2]. Яго фотарэпартажам пачынаўся ў 1967 годзе першы нумар газеты «Вячэрні Мінск»[3].
У апошнія гады джазмен выступаў у Мінску з ансамблямі «AVENIR-BAND» і «У джазе толькі дзядулі». Сярэдні ўзрост музыкантаў у іх быў каля 60-70 гадоў[2].
Памёр праз некалькі дзён пасля хірургічнай аперацыі на пазваночніку ў нямецкім Кілі[2].
Зноскі
Спасылкі[правіць | правіць зыходнік]
Авенір Вайнштэйн у Вікіцытатніку |
- Нарадзіліся 8 ліпеня
- Нарадзіліся ў 1934 годзе
- Нарадзіліся ў Харкаве
- Памерлі 10 чэрвеня
- Памерлі ў 2018 годзе
- Памерлі ў Кілі
- Выпускнікі Расійскай акадэміі музыкі імя Гнесіных
- Асобы
- Музыканты паводле алфавіта
- Журналісты паводле алфавіта
- Журналісты Беларусі
- Журналісты СССР
- Журналісты XX стагоддзя
- Джазмены Беларусі
- Джазмены СССР
- Музыканты Беларусі