Ала Мікалаеўна Бодак

Ала Мікалаеўна Бодак
Ала Мікалаеўна Бодак
Нараджэнне	30 жніўня 1967 (57 гадоў); Роўна, Ровенская вобласць, УССР, СССР;
Адукацыя	БДУ; Акадэмія кіравання пры Прэзідэнце Рэспублікі Беларусь;
Навуковая ступень	кандыдат юрыдычных навук

Ала Мікалаеўна Бодак (нар. 30 жніўня 1967, Роўна, УССР) — беларускі палітык, суддзя Канстытуцыйнага Суда Рэспублікі Беларусь (з 2019). Кандыдат юрыдычных навук, дацэнт.

Біяграфія

Нарадзілася 30 жніўня 1967 года ў Роўна.

Скончыла Беларускі дзяржаўны ўніверсітэт імя У. І. Леніна, Акадэмію кіравання пры Прэзідэнце Рэспублікі Беларусь.

Працавала старшым кансультантам, кансультантам 2 катэгорыі ўпраўлення законапраектных работ Міністэрства юстыцыі Рэспублікі Беларусь, кансультантам 1 катэгорыі, вядучым спецыялістам, галоўным спецыялістам аддзела заканадаўства аб сацыяльна-культурным будаўніцтве ўпраўлення заканадаўства аб дзяржаўным і сацыяльным будаўніцтве Міністэрства юстыцыі Рэспублікі Беларусь, намеснікам начальніка ўпраўлення — начальнікам аддзела заканадаўства аб сацыяльна-культурным будаўніцтве ўпраўлення заканадаўства аб сацыяльна-культурным будаўніцтве, начальнікам упраўлення заканадаўства аб дзяржаўным і сацыяльным будаўніцтве Міністэрства юстыцыі Рэспублікі Беларусь, начальнікам упраўлення заканадаўства аб дзяржаўным, сацыяльным будаўніцтве і забеспячэнні асноўных правоў і свабод грамадзян Міністэрства юстыцыі Рэспублікі Беларусь, выконваючым абавязкі дырэктара, дырэктарам Дэпартамента нарматворчай дзейнасці Міністэрства юстыцыі Рэспублікі Беларусь, начальнікам галоўнага ўпраўлення нарматворчай дзейнасці ў сферы дзяржаўнага будаўніцтва Міністэрства юстыцыі Рэспублікі Беларусь.

З 9 студзеня 2009 года^[1] па 13 кастрычніка 2016 года^[2] працавала намеснікам Міністра юстыцыі Рэспублікі Беларусь.

Выбіралася членам Савета Рэспублікі Нацыянальнага сходу Рэспублікі Беларусь 6-га склікання^[3].

З сакавіка 2019 года — суддзя Канстытуцыйнага Суда Рэспублікі Беларусь^[4].

Унесеная ў санкцыйныя спісы краін Балтыі^[5]^[6].

Зноскі

[1] Постановление Совета Министров Республики Беларусь от 9 января 2009 г. № 12 «Об освобождении и назначении некоторых должностных лиц»

[2] Пастанова Савета Міністраў Рэспублікі Беларусь ад 13 кастрычніка 2016 года № 821 «Аб вызваленні А. М. Бодак і Л. І. Ніжэвіч»

[3] Бодак Ала Мікалаеўна Архівавана 18 жніўня 2020.

[4] ttp://www.kc.gov.by/be/document-1133 Архівавана 8 кастрычніка 2020.

[5] Latvia sanctions 101 more Belarus officials

[6] The sanctions of the Government of the Republic in view of the situation in Belarus

[1]

[2]

[3]

[4]

[5]

[6]