Алег Мікалаевіч Варвашэня

Алег Мікалаевіч Варвашэня
Дата нараджэння	27 чэрвеня 1964(1964-06-27) (60 гадоў)
Месца нараджэння	Баранавічы, Брэсцкая вобласць, БССР, СССР
Род дзейнасці	скульптар
Жанр	станковая скульптура і манументальная скульптура
Вучоба	Мінскае мастацкае вучылішча імя А. К. Глебава (1984) Беларуская акадэмія мастацтваў (1993)
Член у	Беларускі саюз мастакоў

Алег Мікалаевіч Варвашэня (нар. 27 чэрвеня 1964, г. Баранавічы, Брэсцкая вобласць) — беларускі скульптар.

Біяграфія

У 1984 г. скончыў Мінскае мастацкае вучылішча, у 1993 — Беларускую дзяржаўную акадэмію мастацтваў. У 1993—1997 гг. стажыраваўся ў Акадэмічных майстэрнях Міністэрства культуры Рэспублікі Беларусь. Удзельнік рэспубліканскіх і міжнародных выставак з 1990 года.

Член Беларускага саюза мастакоў з 1997 года.

Жыве і працуе ў Мінску.

Творчасць

Працуе ў галіне станковай і манументальнай скульптуры. Матэрыял — бронза, граніт.

Сярод твораў: скульптура-фантан «Феміда» (г. Магілёў), серыі скульптур «Жаночы торс», «Мой сусед», «Якая ляжыць з рукой» (усе Мінск), помнікі графу С. Зорычу (у суаўтарстве, г. Шклоў Магілёўскай вобласці), У. Караткевічу (у суаўтарстве, г. Кіеў).

Творы знаходзяцца ў Нацыянальным мастацкім музеі Рэспублікі Беларусь, Музеі сучаснага выяўленчага мастацтва (Мінск), у прыватных калекцыях Беларусі і за яе межамі.

Літаратура

• Варвашэня Алег Мікалаевіч // Сучасная беларуская скульптура. XXI стагоддзе [Выяўленчы матэрыял]: альбом / аўтар тэксту, складанне, пераклад на беларускую мову: К. С. Аксёнава. — Мн.: БелЭн, 2012. — 358 с. — ISBN 978-985-11-0574-4.