Алена Мікалаеўна Анісім

Алена Мікалаеўна Анісім
Алена Мікалаеўна Анісім
Імя пры нараджэнні	Алена Мікалаеўна Амельчыц
Дата нараджэння	28 верасня 1962 (61 год)
Месца нараджэння	в. Савоні, Стаўбцоўскі раён, Мінская вобласць, БССР, СССР; цяпер Беларусь
Грамадзянства	беларуска
Адукацыя	Беларускі дзяржаўны ўніверсітэт
Член у	Таварыства беларускай мовы імя Францішка Скарыны; Беларуская спеўна-драматычная майстроўня; ЗБС Бацькаўшчына;
Род дзейнасці	мовазнаўца, палітык
Месца працы	Інстытут мовазнаўства НАНБ;
Узнагароды
	Медыяфайлы на Вікісховішчы

Дагледжаная версія гэтай старонкі, зацверджаная 25 верасня 2016, была заснавана на гэтай версіі.

Але́на Мікала́еўна Ані́сім (28 верасня 1962, в. Савоні, Стаўбцоўскі раён, Мінская вобласць) — беларуская мовазнаўца і палітычны дзеяч. Намесніца старшыні Таварыства беларускай мовы імя Францішка Скарыны, навуковы супрацоўнік ДНУ «Цэнтр даследаванняў беларускай культуры, мовы і літаратуры НАН Беларусі». Дэпутат Палаты прадстаўнікоў Нацыянальнага сходу Рэспублікі Беларусь 6 склікання.

Біяграфія

Нарадзілася 28 верасня 1962 г. у вёсцы Савоні Стаўбцоўскага раёна Мінскай вобласці ў сям'і настаўнікаў (дзявочае прозвішча Амельчыц)^[1]. Скончыла Залужскую сярэднюю школу з залатым медалём у 1978 г. У тым жа годзе паступіла ў Беларускі дзяржаўны ўніверсітэт на філалагічны факультэт аддзялення беларускай мовы і літаратуры, які скончыла ў 1983 г. У часе вучобы працуе гідам-перакладчыкам з групамі з Чэхаславакіі, якія суправаджала з паездкамі па рэспубліках СССР^[1].

Працавала ў дзіцячым садку ў Стаўбцоўскім раёне (1984—1986), у сярэдняй школе № 55 (1986) і № 71 (1986—1991) горада Мінска. З 14 траўня 1991 года — у Інстытуце мовазнаўства імя Якуба Коласа Акадэміі навук Беларусі (цяпер філіял ДНУ «Цэнтр даследаванняў беларускай культуры, мовы і літаратуры НАН Беларусі»), працуе на пасадзе навуковага супрацоніка аддзела лексікалогіі і лексікаграфіі, аўтар-укладальнік некалькіх слоўнікаў^[1].

Замужам, мае трох дарослых сыноў^[1].

Грамадская і палітычная дзейнасць

У 1980—1982 гг. удзельнічала ў Беларускай спеўна-драматычнай майстроўні^[1]. З 1999 г. з'яўляецца сябрам Таварыства беларускай мовы імя Францішка Скарыны, у 2000—2014 гг. узначальвала Мінскую гарадскую арганізацыю ТБМ, з 2011 г. — першы намеснік старшыні ТБМ. Сябра Вялікай Рады Згуртавання беларусаў свету «Бацькаўшчына».

Мела намер удзельнічаць у Прэзідэнцкіх выбарах 2015 г., але пазней адмовілася ад вылучэння^[2].

На Парламецкіх выбарах 2016 г. абраная дэпутатам Палаты прадстаўнікоў па Стаўбцоўскай выбарчай акрузе^[3].

Зноскі

↑ ^а ^б ^в ^г ^д Анісім Алена Мікалаеўна (нявызн.). vybory2016.by. Архівавана з першакрыніцы 12 верасня 2016. Праверана 12 верасня 2016.
↑ Алена Анісім не будзе вылучацца ў якасці кандыдата на прэзідэнцкіх выбарах (нявызн.). Наша Ніва (30 чэрвеня 2015). Праверана 12 верасня 2016.
↑ В Беларуси избран парламент шестого созыва. ЦИК обнародовал фамилии депутатов (руск.). pravo.by (12 верасня 2016). Праверана 12 верасня 2016.

[вырабы-1] а ^б ^в ^г ^д Анісім Алена Мікалаеўна (нявызн.). vybory2016.by. Архівавана з першакрыніцы 12 верасня 2016. Праверана 12 верасня 2016.

[2] Алена Анісім не будзе вылучацца ў якасці кандыдата на прэзідэнцкіх выбарах (нявызн.). Наша Ніва (30 чэрвеня 2015). Праверана 12 верасня 2016.

[3] В Беларуси избран парламент шестого созыва. ЦИК обнародовал фамилии депутатов (руск.). pravo.by (12 верасня 2016). Праверана 12 верасня 2016.

[1]

[2]

[3]