Аляксандр Грыкоўскі

Аляксандр Грыкоўскі
Аляксандр Грыкоўскі
Род дзейнасці	грамадскі дзеяч, педагог
Дата нараджэння	1893
Месца нараджэння	Бельскі павет, Гродзенская губерня, Літоўскае генерал-губернатарства, Расійская імперыя;
Дата смерці	13 лютага 1919
Месца смерці	Гродна, Гродзенскі павет, Гродзенская губерня, Беларуская ССР;
Месца пахавання	Гродна;
Грамадзянства	Расійская імперыя; БНР;
Альма-матар	Свіслацкая беларуская настаўніцкая семінарыя; Панявежская настаўніцкая семінарыя[d];
Член у	Віленская беларуская рада; Беларускі нацыянальны камітэт (Гродна);

Аляксандр Грыкоўскі (1893, в. Корніна, Бельскі павет, Гродзенская губерня — 13 лютага 1919) — беларускі грамадскі дзеяч, педагог.

Скончыў Панявежскую настаўніцкую семінарыю (1910-я г.), Свіслацкую беларускую настаўніцкую семінарыю (1916). Да беларускага руху далучыўся ў час Першай сусветнай вайны. У 1917 дырэктар першай беларускай школы ў Гродне. У 1918 кааптаваны ў склад Віленскай беларускай рады, член Беларускай сувязі нацыянальнага адраджэння Беларусі, Гродзенскай беларускай губернскай управы, Гродзенскага гарадскога часовага камітэта. Першы старшыня Беларускага нацыянальнага камітэта ў Гродне. Адзін з ініцыятараў склікання Беларускага краёвага з'езда Гродзеншчыны. Памёр ад сухотаў. Пахаваны за кошт урада БНР на гродзенскіх могілках.

На смерць Аляксандра Грыкоўскага кампазітар І. Тарасевіч напісаў «Песню» для голасу і фартэпіянна (верш М. Багдановіча).