Аляксандр Жукоўскі

Аляксандр Жукоўскі
Дата нараджэння	1926(1926)
Месца нараджэння	Залессе, гміна Жыровіцы, Слонімскі павет, Навагрудскае ваяводства, Польская Рэспубліка
Дата смерці	8 лістапада 1973(1973-11-08)
Месца смерці	мерк. Залессе, Жыровіцкі сельсавет, Слонімскі раён, Гродзенская вобласць, БССР, СССР
Месца пахавання	Залессе
Месца працы	Жыровіцкі дзяржаўны аграрна-тэхнічны каледж[d]
Альма-матар	Гродзенскі сельскагаспадарчы тэхнікум[d] (1950-я)

Аляксандр Жукоўскі (1926 — 8 лістапада 1973) — удзельнік беларускага патрыятычнага падполля ў 1946—1947 гг. у Баранавіцкай вобласці, сябра арганізацыі «Чайка».

Біяграфія

Нарадзіўся ў 1926 г. у в. Залессе Навагрудскага ваяводства ў Польскай Рэспубліцы (зараз Слонімскі раён Гродзенскай вобласці). Вучыўся ў школах Залесся і Жыровічаў. Пасля Другой сусветнай вайны паступіў у Жыровіцкі сельскагаспадарчы тэхнікум.

Падчас навучання ў тэхнікуме ў 1946 г. далучыўся да беларускай падпольнай арганізацыі «Чайка», якая ставіла за мэту змаганне за нацыянальныя правы і годнасць беларусаў, культуру, мову, гісторыю, свабоду і незалежнасць Беларусі.

У сярэдзіне 1947 года арганізацыя была выкрытая ў сувязі з дэканспірацыяй Саюза вызвалення Беларусі, які выдаў савецкі агент Алесь Бажко. «Чайка» таксама была выкрытая: з СВБ некаторыя сябры «Чайкі» утрымлівалі сувязь у выніку канспірацыйнай памылкі. Аляксандр Жукоўскі быў арыштаваны ў тым жа годзе і засуджаны ваенным трыбуналам да 6 гадоў савецкіх канцлагераў. Пакаранне адбываў у турмах Баранавічаў і Оршы, потым у канцлагеры № 2 у Інце (Комі АССР).

У 1953 г. вызваліўся і вярнуўся ў родную вёску Залессе. Завочна закончыў Навагрудскі сельскагаспадарчы тэхнікум. Працаваў аграномам у Жыровіцкім саўгасе-тэхнікуме.

Памёр 8 лістапада 1973 г., пахаваны на вясковых могілках у в. Залессе.

Літаратура

• Антысавецкія рухі ў Беларусі. 1944—1956. Даведнік, — Мінск, 1999. ISBN 985-6374-07-3.