Аляксандр Уладзіміравіч Казакоў

Аляксандр Уладзіміравіч Казакоў
Дата нараджэння	2 лістапада 1982(1982-11-02) (41 год)
Месца нараджэння	Віцебск, Віцебская вобласць, БССР, СССР
Месца працы	факультэт інфармацыйных тэхналогій БДТУ БДУ
Навуковая ступень	кандыдат гістарычных навук (2011)
Навуковае званне	дацэнт
Альма-матар	гістарычны факультэт БДУ (2005)
Член у	Міжнародная асацыяцыя гуманітарыяў[d]

Аляксандр Уладзіміравіч Казакоў (нар. 2 лістапада 1982, Віцебск) — беларускі гісторык. Спецыяліст па мілітарнай гісторыі і міграцыйных працэсах ва Усходняй Еўропе ў эпоху позняга Сярэднявечча і ранняга Новага часу. Кандыдат гістарычных навук (2011), дацэнт.

Біяграфія

Нарадзіўся 2 лістапада 1982 года ў Віцебску.

Скончыў у 2005 годзе гістарычны факультэт БДУ, у 2006 годзе — магістратуру, у 2009 годзе — аспірантуру на кафедры гісторыі Беларусі і паліталогіі Беларускага дзяржаўнага тэхналагічнага ўніверсітэта. У 2011 годзе абараніў кандыдацкую дысертацыю па тэме «Эміграцыя знаці з рускіх княстваў у Вялікае княства Літоўскае (40-я гг. XV — 30-я гг. XVI ст.)».

Працаваў на кафедры гісторыі Беларусі і паліталогіі факультэта інфармацыйных тэхналогій Беларускага дзяржаўнага тэхналагічнага ўніверсітэта: асістэнт, выкладчык, дацэнт. Дацэнт у БДУ. На 2022 год незалежны даследчык (Беларусь — Швецыя).

Сябра Міжнароднай асацыяцыі гуманітарыяў.

Навуковая дзейнасць

Напрамкі даследаванняў: палітычная і сацыяльная гісторыя Вялікага Княства Літоўскага XV—XVI стагоддзяў; гісторыя міграцый, этнічнасці і нацыяналізму; гісторыя шляхецкага саслоўя Беларусі; гісторыя і гістарыяграфія Аршанскай бітвы 1514 года.

Бібліяграфія

Удзел у калектыўных працах

• Магнацкі двор і сацыяльнае ўзаемадзеянне (XV—XVIII ст.): зборнік навуковых прац. Мінск, 2014.

Літаратура

• КАЗАКОЎ Аляксандр Уладзіміравіч // Сучасныя беларускія даследчыкі гісторыі Вялікага Княства Літоўскага : біябібліяграфічны даведнік / С. П. Марозаў. — Гродна-Каўнас: ЮрСаПрынт, 2022. — 290 с. — ISBN 978-985-7257-57-7, 978-609-96340-1-2.