Аляксей Сяргеевiч Талстоў
| Аляксей Сяргеевiч Талстоў | |
|---|---|
| Асабістыя звесткі | |
| Дата нараджэння | 1984 |
| Месца нараджэння | |
| Альма-матар |
|
| Прафесійная дзейнасць | |
| Род дзейнасці | мастак, пісьменнік, спявак |
| Мова твораў | беларуская |
Аляксей Сяргеевiч Талстоў (нар. 1984, Мінск[1]) — беларускі мастак і пісьменнік.
Біяграфія[правіць | правіць зыходнік]
Вучыўся ў 2002—2003 гадах у Беларускім дзяржаўным універсітэце культуры і мастацтваў па спецыяльнасці «менеджмент сацыякультурнай дзейнасці» і два з паловай гады ў 2004—2007 гг. у Беларускім дзяржаўным педагагічным універсітэце імя М. Танка па спецыяльнасці «сусветная і айчынная мастацкая культура / фальклор».
У 2002—2006 гадах быў вакалістам рэгі-гурта «Чык-чык», в 2011—2012 гг. спяваў і іграў на гуслях у стоўнер-дыска-гурце «Альёшя, гiу мi а чэнс!».
Творчасць[правіць | правіць зыходнік]
Аўтар беларускамоўных раманаў «Бег» (2009, Галіяфы) «Мінакі» (2012, Галіяфы) і «Валацугі» (2014, Пяршак), "Апоўначы на Сіалімскім мосьце" (2016). Публікаваўся ў часопісах «Тэксты», «Макулатура», калумніст сеткавага часопіса 34mag.net.
Актыўна ўдзельнічае ў мастацкім жыцці Мінска з 2008 года. У 2011 годзе ў ДК La Mora прайшла першая персанальная выстаўка жывапісу Аляксея Талстова – «Коміксы». Яшчэ дзве персанальныя выстаўкі мастака былі арганізаваны ў галерэі сучаснага мастацтва «Ў» – «Рэакцыя на чужое» (2012) і «Самакантроль» (2013), а таксама «Хрустальная серыя» (2016) і «Суп часу. Накіды» (2020) у галерэі прасторы «КХ» у Брэсце. Удзельнік шматлікіх групавых выставак і фестываляў.
З 2016 па 2020 год быў куратарам выставачных і даследчых праектаў на стыку мастацтва і грамадзянскага актывізму. Працаваў куратарам праграмы культурных мерапрыемстваў праваабарончай арганізацыі Human Constanta (2016–2018), арт-дырэктарам і куратарам галерэі цэнтра ЦЭХ (Мінск, 2017), а таксама быў адным з ініцыятараў і сакіраўніком даследчага праекта «Статус. Роля мастачак і мастакоў у змене грамадства» (statusproject.net/ru, (2017–2020).
Прызнанне[правіць | правіць зыходнік]
- Кніга «Бег» трапіла ў шорт-ліст прэміі Гліняны Вялес.
- Кніга «Апоўначы на Сіалімскім мосьце» трапіла ў шорт-ліст прэміі Ежы Гедройца.
У 2016 годзе атрымаў нацыянальную прэмію Rada Awards (Беларусь) за праяўленую грамадзянскую пазіцыю ў мастацтве.
Зноскі
- ↑ http://ygallery.by/exhibitions/0006321/ Архівавана 8 ліпеня 2018.
Спасылкі[правіць | правіць зыходнік]
- Толстов, Алексей Архівавана 22 кастрычніка 2021.
- Алексей Толстов. Художник, писатель, куратор.
