Алёкса Жукоўскі

Алёкса Жукоўскі
Асабістыя звесткі
Дата нараджэння	28 верасня 1906(1906-09-28)
Месца нараджэння	Тэрэспаль, Бяльскі павет, Польшча
Дата смерці	1 лютага 1979(1979-02-01) (72 гады)
Месца смерці	Масква, РСФСР, СССР
Пахаванне	Масква
Альма-матар	Віцебскі педагагічны тэхнікум[d] (1925)
Месца працы	Бабруйскае жыццё
Прафесійная дзейнасць
Род дзейнасці	паэт, празаік
Узнагароды

Алёкса (Аляксей Аляксандравіч) Жукоўскі (28 верасня 1906, Тэрэспаль, цяпер Польшча — 1 лютага 1979, Масква) — беларускі паэт, празаік, педагог.

Біяграфія

У часе Першай сусветнай вайны разам з бацькоўскай сям’ёй перасяліўся ў Клімавічы (цяпер Магілёўская вобласць). Закончыў у 1925 годзе Віцебскі педагагічны тэхнікум. Працаваў настаўнікам і загадчыкам пачатковай школы ў в. Добасна на Бабруйшчыне. У 1928 г. выкладаў рускую і беларускую мовы ў Жыліцкай сямігодцы Даобасненскага сельсавета. З 1929 г. літсупрацоўнік рэдакцыі бабруйскай газеты «Камуніст».

У 1929—1930 гг. на вайсковай службе. Пасля звальнення вярнуўся на ранейшую працу. У 1932 г. зноў мабілізаваны і служыў да 1938 г. У 1939—1941 гг. настаўнічаў у Обнінскай сярэдняй школе (Калужская вобласць Расіі). У 1941—1945 гг. удзельнік баёў на франтах Вялікай Айчыннай вайны, служыў у артылерыі, гвардыі маёр.

У 1946—1948 гг. працаваў інспектарам школ працоўнай моладзі Масгарана, у 1948—1950 гг. — намеснікам дырэктара, а потым дырэктарам адной з сярэдніх вочна-завочных школ працоўнай моладзі ў Маскве. З 1968 г. быў навуковым супрацоўнікам лабараторыі Навукова-даследчага інстытута агульнай адукацыі дарослых Акадэміі педагагічных навук СССР. Аўтар каля 50 навуковых прац па арганізацыі педагагічнай дзейнасці.

Памёр 1 лютага 1979 года ў Маскве. Там жа пахаваны.

Узнагароды

Узнагароджаны ордэнам Леніна, Айчыннай вайны 1-й і 2-й ступеняў, Чырвонай зоркі. Заслужаны настаўнік РСФСР (1961).

Творчасць

Пачаў выступаць з вершамі ў 1925 г. Друкаваўся ў маладнякоўскіх літаратурных альманахах «Пачатак» (Віцебская філія), «Уздым» (Бабруйскай філія), бабруйскай газеце «Камуніст» і іншых выданнях. Напісаў таксама некалькі апавяданняў. Займаўся перакладамі.

Спасылкі

• Алёкса Жукоўскі на сайце анлайн-энцыклапедыі «Беларусь у асобах і падзеях»