Анатоль Міхайлавіч Фоміч

Анатоль Міхайлавіч Фоміч
Другі сакратар Мінскага абласнога камітэта КП Беларусі 1972 — 1983
Папярэднік	Антон Насілоўскі
Пераемнік	Міхаіл Князюк
Нараджэнне	1925 Беразіно, Бярэзінскі раён, Барысаўская акруга, БССР, СССР
Смерць	невядома
Партыя	КПСС
Адукацыя	БДПУ Беларускі дзяржаўны інстытут народнай гаспадаркі імя В. У. Куйбышава (1967)
Бітвы	Другая сусветная вайна
Узнагароды

Анато́ль Міха́йлавіч Фо́міч (1925, Беразіно — невядома) — беларускі савецкі гаспадарчы, дзяржаўны і палітычны дзеяч.

Біяграфія

Нарадзіўся ў 1925 годзе ў Бярэзіне. Член КПСС.

Удзельнік Вялікай Айчыннай вайны. З 1948 года — на гаспадарчай, грамадскай і палітычнай працы. У 1948—1983 гг. — інструктар ЦК ЛКСМ Беларусі (1948—1951), інструктар ЦК УЛКСМ (1951), загадчык аддзела сельскай моладзі (1951—1954), другі(1954—1956), першы (1956—1959) сакратар Мінскага абласнога камітэта ЦК ЛКСМБ, першы сакратар Нясвіжскага райкама КПБ (студзень 1959 — красавік 1961), памочнік дырэктара па кадрах і побыце (красавік 1961 — верасень 1962), сакратар парткама Мінскага завода аўтаматычных ліній (верасень 1962 — снежань 1965), старшыня Савецкага райвыканкама (снежань 1965 — чэрвень 1967), першы сакратар Савецкага райкама КПБ горада Мінска (чэрвень 1967 — сакавік 1968), першы намеснік загадчыка аддзела арганізацыйна-партыйнай работы ЦК КПБ (сакавік 1968 — снежань 1972), другі сакратар Мінскага абласнога камітэта КПБ (снежань 1972 — 1983). З 1983 года быў прызначаны старшынёй Дзяржаўнага камітэта БССР па працы.

Абіраўся дэпутатам Вярхоўнага Савета Беларускай ССР 9-га і 10-га скліканняў, членам ЦК КПБ. Дэлегат XXV і XXVI з’ездаў КПСС.

Памёр пасля 1985 года.

Спасылкі

• ФОМИЧ АНАТОЛИЙ МИХАЙЛОВИЧ(руск.)  // Белорусский государственный экономический университет в биографиях преподавателей и выпускников. 75 лет (1933—2008). — Мн.: БГЭУ, 2008. — С. 313—314. — ISBN 978-985-484-515-9.
• Михаил ПЛАКСА. На службе несвижчине и родной Минщине(руск.) . Нясвіжскія навіны (6 кастрычніка 2017).