Андрэй Аляксандравіч Ганчук

Андрэй Аляксандравіч Ганчук
Нараджэнне	20 сакавіка 1979(1979-03-20) (47 гадоў) Бялынічы, Бялыніцкі раён, Магілёўская вобласць, Беларуская ССР, СССР
Грамадзянства	Беларусь
Адукацыя	МДУ імя А. А. Куляшова

Андрэй Аляксандравіч Ганчук (нар. 20 сакавіка 1979(1979-03-20), Бялынічы, Магілёўская вобласць) — беларускі палітык, дэпутат Палаты прадстаўнікоў Нацыянальнага сходу Рэспублікі Беларусь.

Біяграфія

Нарадзіўся 20 сакавіка 1979 года ў Бялынічах.

Скончыў Магілёўскі дзяржаўны ўніверсітэт імя А. А. Куляшова, Акадэмію кіравання пры Прэзідэнце Рэспублікі Беларусь.

Працаваў настаўнікам, дырэктарам базавай і сярэдняй школ, начальнікам аддзела па справах моладзі, намеснікам начальніка і начальнікам аддзела адукацыі, спорту і турызму, намеснікам старшыні Бялыніцкага райвыканкама, старшынёй Бялыніцкага раённага Савета дэпутатаў 28 склікання.

Выбіраўся дэпутатам Бялыніцкага раённага Савета дэпутатаў 27 і 28 скліканняў.

З 6 снежня 2019 года па 22 сакавіка 2024 года — дэпутат Палаты прадстаўнікоў Нацыянальнага сходу Рэспублікі Беларусь сёмага склікання па Шклоўскай выбарчай акрузе № 90, з’яўляўся членам Пастаяннай камісіі па дзяржаўным будаўніцтве, мясцовым самакіраванні і рэгламенце.